Gasteizko Txosnek 2025eko programazio osoa argitaratu dute
Gasteizko Txosnek gaur aurkeztu dituzte ofizialki 2025eko Andre Mari Zuriaren jaietarako kartela eta musika zein kultur programazioa. Hirugarren urtez jarraian, Entxosnatu, etorri gugana! lelopean, gune autogestionatuak abuztuaren 4tik 9ra egongo da irekita, 40 kontzertu eta ikuskizun baino gehiago eskainiz, estilo aniztasunaren eta konpromiso sozialaren aldeko apustu sendoarekin.
Prentsaurrekoan, antolatzaileek «esker ona eta dedikazioa» azpimarratu zituzten, gune hori eraiki eta dinamizatzen duten pertsona eta kolektibo guztiei eskerrak emanez. «Hori guztia zuei esker da posible», adierazi zuten.
Programazioak, azken asteetan sare sozialen bidez partzialki argitaratu dena, artista eta talde ugariren emanaldiak biltzen ditu, bai agertoki nagusian, bai Entxosnatu eta Gazte karpetan. Kontzertu nagusiak iragarrita dauden arren, antolatzaileek aurreratu zuten datorren astean osatuko dela programazioa, hainbat kolektibok antolatutako ekintza eta proposamenekin.
Musikaz eta konpromisoz beteriko egitaraua
Abuztuak 4, astelehena, hasierako egunean, MILDEO, OLATZ SALVADOR, PLUK, AKERBELTZ ERROMERIA, GUATE-K eta M.RAVARINO arituko dira.
Abuztuak 5, asteartea, «Elkartasun eguna» izango da, eta bertan HERRA, ARENE6, AFRO BEATS, BRIGADE LOCO, DJ LOBAK, MDM eta I+D taldeek joko dute.
Abuztuak 6, asteazkena, «Ikasle eguna» izango da, eta DENA, PUBIC ENEMY, AIMARZ, BIZNAGA, ETERANAL eta ROSA MARI egongo dira bertan.
Abuztuak 7, osteguna, «Gazte eguna» ospatuko da, ZANAKARRON BLUES, FERMIN MUGURUZA, DJ SORPRESA, FIFI ETA FEFA eta ELEPUNTO taldeekin.
Abuztuak 8, ostirala, ESTOLDETAN, KOKEIN, MARTE LASARTE, SUSTRAI BERRIAK, BIZARDUNAK eta SUZIRI KREW arduratuko dira musikaz.
Azkenik, abuztuak 9, larunbata, jaiei amaiera emateko, ANIXE, SAFU, 721, HOFE, ANDRIGINA SHOW, DJ WELLINGTON eta SQLENT arituko dira.
Antolatzaileek, gainera, Txosnaguneak espazio seguru eta errespetuzko bat sortzeko duen konpromisoa gogorarazi nahi izan dute. Horren harira, berretsi dute «ez dela inongo eraso matxista, sexista, homofobo, xenofobo edo arrazistarik onartuko».
Programazio honekin, Gasteizko Txosnak beste urte batez hiriko jaietan erreferentziazko gune gisa finkatzen dira, alternatiba autogestionatu, askotariko eta elkarbizitzaren eta errespetuaren balioekin konprometitua eskainiz.
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Arabako Aldundiak TicketBai sistema ezartzea exijitzen die txosnei, eta uko egiten dio Gasteizko Txosnen Batzordeak. Hala ere, jaietan txosnak jarriko dituztela ziurtatu du batzordeak. “Erasoa” Euskal Herriko jai herrikoi eta herri eragile guztien aurkakoa dela... [+]
Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
Gorka Urtaran hiriko alkateak adierazi duenez bultzadak eta irain homofoboak salatu dituzte. Pertsona batek salaketa jarri du.
Emakume sozialisten Itaia antolakundeak ziztaden aurkako mobilizazioak deitu ditu –Gasteizen 3an, Donostian 13an eta Bilbon 19an– eta horrekin batera, eraso mota honi buruz egiten duen irakurketa plazaratu du. Azpian osorik irakurgai.
Agerraldia egin dute Txosna Batzordeko kideek, hiru urteren ostean txosnaguneari ongi etorria emateko. Iragarri dutenez, Mirentxin Gidariak kolektiboari emango diote aurtengo txosnisaria.
Jaietan txosna jartzea debekatu dietela salatu zuten otsailean eta orain txosnak hiriko beste leku batean jartzeko baimen berezia eskatu dute. Manifestuan Gasteizko Udalari baimena onartzeko eskaria egin diote.
Abuztuaren 4a eta 9a bitartean ospatzen dira Gasteizko jaiak. Aurten, pandemiak eragindako bi urteko geldialdiaren ostean, txosnak egongo dira berriro ere Gasteizko Campusean, jai herrikoi eta herri mugimenduarentzako bultzada.
Entxosnatu lelopean, txosnak hainbat ekitaldi burutzen ari dira gaur.
Gorka Urtaran alkateak ohartarazi du Udalak ez duela Gasteizko Txosnen herri bazkaria egiteko baimenik emango, gainerako jarduerak egin ahal izango badituzte ere.
Abuztuaren 3tik 8ra bitartean, dozenaka kontzertu eta bestelako ikuskizun ugari izango dira Gasteizko jaietan. Uda osoan bezala, aire zabaleko ekitaldiak izango dira nagusi, eta hitzordu guztiak bildu ditugu ALEAn.
Iaz bete zituzten 40 urte Gasteizko Txosnek, baina ezohiko egoerak eraginda "etenaldi bat" egitea erabaki zuten. Hala ere, ez dute inola ere haien jarduna eten eta eguneroko lanari ekiten jarraitu dute Txosna Batzordea osatzen duten eragileek. Aurten kaleak hartzeko... [+]
Astearte goizean aurkeztu dute Gasteizko Txosnak osatzen duten eragileek 2021. urteko Banda Lehiaketa. Iaz ganoraz ospatu ezin izan zuten txosnen 40. urteurrenaren baitan.