COVID-19az kutsatutakoen kontaktu zuzenek ez dute itxialdirik egin beharko martxoaren 5etik aurrera
Martxoaren 5ean pasako da indarrean egotera erabakia. Egun horretatik aurrera, kontaktu zuzenek ez dute itxialdirik egin beharko, txertatuta egon zein ez.
Osasun Publikoko Batzordeak hala erabakita, aurrerantzean COVID-19az kutsatutakoen kontaktu zuzenek ez dute itxialdirik egin beharko. Badira hiru hilabete neurri hori txertatutako pertsonen kasuan aplikatzen dela, baina orain neurri orokorra izatera pasako da; txertaketari dagokionez egoera edozein izanik ere, kontaktu zuzenek ez dute itxialdiri derrigorturik egin beharko. Kasu horietan neurriak areagotzeko eta interakzioak murrizteko gomendatuko da. Kutsatuek gutxienez zazpi eguneko itxialdia egiten jarraitu beharko dute.
Astelehenean egindako bileran hartu zuen erabakia Osasun Publikoko Batzordeak, eta martxoaren 5ean pasako da indarrean egotera. Kontaktu zuzenen berrogeialdiak desagertzea egun batzuetako kontua da beraz. Birusarekin elkarbizitzeari begira eman beharreko pausoen baitan kokatzen du erabakia batzordeak. Izan ere, Eldiario.es-ek jaso zuenez, kutsatuen eta ospitaleratuen zenbakiak beheraka ari diren honetan, Espainiako Gobernuak COVID-19a zaindu eta kontrolatzeko estrategia berria du martxan jartzeko prest; estrategia horrek arreta kolektibo zaurgarrietan jarriko luke.
Pedro Sanchez Espainiako presidenteak maskararen derrigorrezko erabilera ere laster indargabetzeko asmoa agertu zuen TVEn, nahiz eta datarik zehaztu ez.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.