Extremadurako Unibertsitateko ikerlari-talde batek zuzendu du ikerketa, eta galdekatutako 17.515 emakumeetatik ia erdiek hilerokoan alterazioak sumatu dituzte: iraupenean, isuritako odol kantitatean edota menstruazio aurreko sintometan.
Hainbat adituk kritikatu dute ez direla kontuan hartu COVID-19aren aurkako txertoen albo-ondorioetan emakumeen gorputzetan eragiten dituen efektuak, ziklo menstrualari lotutakoak. Azken hilabeteetan zenbait ikerketa abiatu dira hori aztertzeko; horietako bat da Extremadurako Unibertsitatea zuzentzen ari dena, Cristina Carrasco eta Ana B. Rodriguez ikerlariak gidari dituena, Miriam Al-Adib Mendiri ginekologo eta obstetraren laguntzaz. Esanguratsuak dira aurreratu dituzten lehen datuak: galdekatutako 17.515 emakumeetatik erdiei (%45-%50 artean) ziklo menstruala aldatu zaie txertoa hartutakoan edota COVID-19 izandakoan.
Ikerlari-taldearen arabera, ziklo menstrualean aldaketa izan duten emakumeen kasuak hainbeste izanik, sendoa da txertaketa eta zikloaren alterazioa lotzeko argudioa. Aldaketak izan dituzte hilerokoaren iraupenean (%46,8k), odol-jarioan (%44,5ak), hilerokoen arteko odol-isurietan eta menstruazioaren aurreko sintometan.
Al-Adib ginekologoak honelaxe deskribatu du txertoaren albo-efektua: “Txertoak immunologia-aktibitate handia sortzen du, eta horrek berak alteratu dezake ziklo hormonala eta menstruala orekatzen duen ardatza, hipotalamo-hipofisi-obario artekoa”. Azpimarratu du ikerketa hasi besterik ez dela egin.
Albo-ondorio iragankorrak
Granadako Unibertsitateak ere ikerketa bat abiatu zuen, Laura Baena emaginak eta Olga Ocon ginekologoak zuzendutakoa; Eldiario.es atariak jaso duenez, emaitzak aztertzen ari dira oraindik. Oconen hitzak bildu ditu hedabideak: ginekologoak dio segur aski zikloaren aldaketak iragankorrak izango direla, eta emakume gehienen kasuan ez diela eragingo osasunari ezta ugalkortasunari, baina efektu horiek existitze hutsagatik agertu egin beharko liratekeela COVID-19aren aurkako txertoaren albo-ondorio gisa. “Sukarra zein buruko mina eragin diezakezula dakizun modu berean jakin behar duzu hau ere pasa dakizukeela. Bestela, azalpen jakinik gabeko hamar eguneko odol-jarioa izan eta beldurtu egingo zara”, azaldu du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.