Patenterik gabeko COVID-19aren aurkako txerto "librea" Indian erabiltzea baimendu dute

  • Patenteetatik libre dagoen COVID-19aren aurkako txerto berri bat sortu du Texasko haurrentzako ospitaleko txertoen garapenerako zentroak (AEB). Indiak dagoeneko onartu du txerto hori erabiltzeko emergentziazko baimena eta haren sortzaileek espero dute laster Indonesian, Bangladeshen eta Botsuanan ere erabili ahalko dutela.


2022ko urtarrilaren 10an - 07:54
Azken eguneraketa: 00:42
Argazkia: Texas Children's Hospital.

Corbevax izena du patenterik gabeko txertoak eta B hepatitisaren aurka erabilitako prozesuaren antzekoa izan dute ardatz hura ekoizteko. Jatorrizko COVID-19aren aldaeraren aurrean %90eko eraginkortasuna daukala azaldu du ospitaleak prentsa-ohar batean. Delta aldaerari dagokionez, %80tik gorako eraginkortasuna daukala ere baieztatu dute, sintomak dauzkan kutsatutako jendearen artean.

“Hamarkada batez koronabirusei aurre egiteko prototipoak garatzen egindako aurrerapenek ekarri dute txerto honen sorrera”, azaldu du zentroko zuzendari Maria Elena Bottazzik. Jatorriz Honduraskoa den ikerlari honek gaineratu duenez, Corbevax txertoa lagungarria izango da fabrikatzeko garestiagoak diren beste txertoekin sortu den problemari aurre egiteko: ez direla mundu osoarentzat irisgarriak, ez fabrikazio aldetik, ezta prezio aldetik ere.

Corbevax garatu dutenek gogora ekarri dutenez, seguruak eta kostu baxukoak diren txertoen premia larria dago herrialde pobreenetan COVID-19aren pandemiari aurre egiteko. “Hegoalde Globaleko populazioen txertaketa orokorrik gabe, birusaren aldaera berriak agertuko dira eta oztopatu egingo dituzte gaur egun eskura dauden txertoekin AEBetan eta Mendebaldeko beste herrialdeetan egindako aurrerapenak”, adierazi dute aipatutako agirian.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude