Eusko Jaurlaritzatik Osasun sailak uztailaren 13ko buletinean zabaldu duenez, 12an 27 COVID-19 kasu berri hauteman dituzte EAEn, bezperan baino lau gutxiago, erreproduzitze tasa Rt 1,56-ean utziz. Hildako berririk badagoen ez du argitzen Osakidetzak, buletinean hildakoei dagozkien txokoak hutsik ageri dira "(1) Gaur ez eguneratutako datuakOsakidetzako datu-baseak kargatzeko arazoengatik" dioen ohar batekin. Hala ere, jakina da atzo pertsona bat bederen badela hila EAEn, Eskoriatzan isolatuta bakardadean hilik agertu zen gizona.

COVID-19 frogetan positibo eman dutenetatik 16 Bizkaian hauteman dituzte (Bilbon 11, Barakaldon 2 eta Bermeo, Sestao eta Trapagaranen bana), 8 Gipuzkoan (Donostian 3, bana Aia, Andoain, Eibar, Lezo eta Ordizina) eta 3 Araban (Laudion 1, Gasteizen 2).

Nafarroari dagokionez, hildakorik ez da izan eta positibo berriak sei dira. Horietatik bat Tuterako fokoetako bati dagokio. Une honetan Nafarroan agintariek sei COVID-19 foko zenbatzen dituze: bi Tuteran, bi Iruñean, bat Iruñerrian eta beste bat Lizarra inguruko herri batean.