Joan den astean jakinarazi zuen epaitegiko lehen auzialdiko presidenteak osasun baldintzak ez direla behar luketen modukoak epaiketa abiatzeko, eta data berria jarri du: irailak 2. Epaiketa azaroaren 10era arte luzatuko litzateke.

2015eko urtarrilean Charlie Hebdo aldizkari satirikoaren, Parisko Hyper Cacher saltokiaren eta Montrouge-ko udaltzain baten aurkako erasoak egin zituzten. Hamazazpi lagun hil zituzten hiru eraso horietan. Poliziak hiru erasotzaile hil zituen.

Hamalau susmagarrietatik hiru atxilotzeko agindua dago eta uste da erasoak baino egun batzuk lehenago alde egin zutela Siriara. Gainerako susmagarriak atxilotuta daude. Akusazioak larritasun maila bat baino gehiagokoak dira: hilketa terroristan konplize izatea, kriminal terroristekin aritzea, eta kriminalekin aritzea.