Maiatzaren 7an Madeiran arituko dira bertako eta Euskal Herriko inprobisatzaileak. Asier Galarza eta Eli Pagola ariko dira bertsotan, eta Maialen Velardek egingo ditu itzultzaile lanak.
Madeirako eta Euskal Herriko ahozko inprobisazio tradizioak elkartzeko antolatu dute Encontros Topaketak: repentismo em diálogo topaketa. Madeirako Agência de Promoçao da Cultura Atlântica erakundeak antolatu du, Associação Grupo Cultural Flores de Maio eta Associação Musical e Cultural Xarabanda erakundeen laguntzarekin. Bertsozale Elkarteak ere hartuko du parte, Madeirako charambaren eta bertsolaritzaren arteko elkarrizketa izango baita ekimenaren helburua.
Maiatzaren 7an izango da emanaldia, Porto da Cruzeko Flores de Maio gunean, 16:30etik aurrera. Kantuan Asier Galarza eta Eli Pagola bertsolariak ariko dira, eta Maialen Velarde, aldiz, itzultzaile lanetan.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.