2022ko abuztuaren 17a
Ezaguna den bezala, Frantziako Estatuak ez die uzten Ipar Euskal Herriko ikasleei Brebetaren azterketa euskaraz egiten. Brebeta da, 14-15 urteko ikasleei estatuak kolegioko eskolaratzea gainditu dutela ziurtatzeko ematen dien diploma.
Aurten ere ezin izan dute Brebeta egin hala nahi duten eta haien ikasketak euskaraz burutzen dituzten ikasleek. Alabaina, Euskal Hirigune Elkargoko lehendakari Jean-René Etchegarayk aitortza egin die eta, astearte honetan, diploma eman die Brebeta euskaraz egin duten ikasleei. Hori bai, banatutako diploma ez da ofiziala.
Ikasleok ez dute azterketa ofiziala gainditu, euskaraz egiteagatik 50eko puntuazio batetik lauko nota lortu baitute. Seaskako haien irakasleek, dena den, ikasleek egindako Brebetako azterketen kopiak zuzendu dituzte eta, batez beste, 28 puntu lortu dituzte.
Beheko txioan ikus daiteke diploma Etchegarairen eskutik jaso duten unea.
Brebeta euskaraz egin duten #Seaska-ko ikasleek diploma jaso dute Etchegarayren eskutik.
Euskaraz egiteagatik bataz beste 4ko nota ofiziala izan dute 50etik; baina irakasleek zuzendutako kopien noten emaitzak eman dizkie presidenteak...batez beste 28ko kalifikazioa pic.twitter.com/ztubS2Eao3
— nereaolaso (@Nereolaso) July 12, 2022
2003an egin zen azken aldiz kabalkada Heletan. Eta berrikitan herriko etxeak ideia eman ondotik, 70 bat heletar berehala ideiari lotu dira. Lehen bilkurak egin, elkartea sortu eta talde eremaileak hautatu dituzte.
Nazio Batuen Erakundeak “kezka” adierazi du Frantziako Konstituzio Kontseiluak Molac legearen aurka hartutako erabakiarengatik, giza eskubideen kaltegarri izan daitekeelako.
Jarraian EHZko antolakuntzak hedabideetara igorri duen balorazioa.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".
Larraineko ama-eskola publikoan euskarazko murgiltze eredua ezartzeko eskaerari ez dio erantzun Frantziako Gobernuak. Joan den ostiralean ikastetxea okupatu zuten haur eta gurasoek, baita Ortzaize, Irisarri, Larraine, Barkoxe eta Idauze-Mendiko eskolak ere, elkartasunez.
