“Biztanleria bere osasun zentroetatik kanporatzen ari dira”
Osasun sistema publikoaren aldeko mobilizazioak egin dira ostegun honetan osasun zentroen aurrean, Nafarroako Osasun Plataformak deituta.
Datorren abenduaren 23an onartuko dira Nafarroako Foru Komunitatearen 2022ko aurrekontuak eta osasun plataformak salatu duenez, diru kontu hauek ez dira nahikoak Nafarroako osasunak gaur egun dituen erronkei aurre egiteko.
Plataformaren esanetan osasun arretak ez du beharko lukeen kalitatea: “Itxaron zerrenda luzeak, zentroetan arreta eskuratzeko zailtasunak, edo etsipena, besteak beste, gaixo askok ez dakitelako nola bideratu haien osasun arazoak. Biztanleria bere osasun zentroetatik kanporatzen ari dira”.
Osasunbideako langileek bizi dituzten lan baldintza txarrak ere salatu dituzte, gehiegizko lan kargak, behin-behinekotasun handia, enpleguaren ezegonkortasuna, kontziliazio arazoak... “eta deitoragarriena, ez dute osasun agintarien sostengurik”.
Oinarrizko Osasuna, oinarrizko zutabea
Plataformaren ustez, diren gabezia guztien artean nabarmendu behar da oinarrizko osasunaren egoera. Gaur egun Osasunbidearen aurrekontuaren %15 bideratzen da alor horretara eta kopuru hori handitzea ezinbestekotzat jo dute. Nafarroako Gobernua plan bat bideratzen ari da alor honetan azken urtean, baina osasun plataformatik adierazi dutenez, “hitzak besterik ez dira, eta erakutsi dute ez direla gai indarrean jartzeko”.
Beste salaketa eta eskari askoren artean, azpimarratu dute ospitale humanoagoak behar direla eta goi mailako tresneriak pertsonen zerbitzura egon behar duela: “Aurrekontuek baliabide ugari bideratzen dituzte teknologia sofistikatuetara edo inbertsio pribatuetara, baina langileen esparrua hobetzeko gastua hutsaren hurrengoa da”.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]