ARGIA.eus

2021eko irailaren 27a

Bizkaiko mugimendu feministaren historia biltzen duen erakusketa aurkeztu dute Bilbon

  • "Zutik, Zutik, Zutik!" du izena Maite Albiz Emakumeen Dokumentazio Zentroak abiatutako erakusketak. Irailaren 6an inauguratu zuten eta urriaren 6ra arte egongo da ikusgai Bilboko Zabalgune eraikinean (Zabalgune plaza, 11).

Uriola.eus @uriolaeus
2021eko irailaren 08a
Albiste hau Uriola.eusek argitaratu du eta Creative Commons BY-SA 3.0 lizentziari esker ekarri dugu.
Basauriko hamaika emakumeen aldeko elkarretaratzea (Irudia: Maite Albiz Emakumeen Dokumentazio Zentroa)

Erakusketak hain zuzen 1968-1994 urteen bitartean Bizkaian izandako mugimendu feministaren historia eta memoria jasotzen ditu. Azaldu dutenez, erakusketa "denboran zehar ehundutako borondate, lankidetza eta konplizitate askoren arteko loturaren emaitza da". 

Erakusketan zehar ikus daitezke dokumentu pribatu asko, hala nola "bakarkako esperientziaren eta memoria kolektiboaren gordailuak"; zentroak urteetan egindako artxibo lanari esker izan dela argitu dute. Era berean, ikuspegiari dagokionez "ez da ikuspegi osoa, uniformea eta garbia, marjinak, itzalak eta izkinak daudelako".

Hala eta guztiz ere, helburua "aniztasuna, aniztasuna, konbergentzia, hedapena, urgentzia, intentsitatea, ertzak, samurtasuna, loturak, beroa, zailtasunak, desberdintasunak, maitasuna eta, batez ere, emakumeek PIEn egiten duten aldarria islatzea" dela nabarmendu dute.

 

Albiste hau Uriola.eusek argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Feminismoa  |  Oroimen historikoa  |  Bizkaia  |  Bilbo

Feminismoa kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude