ARGIA.eus

2020ko ekainaren 06a

Birusa eta gizarte kapitalista

  • Oscar Garcia Jurado ekonomian doktore eta Andaluziako Autonomia Sur kooperatibaren sortzaileetakoa da eta Talaios kooperatibako kide kolaboratzaile ere bada. Esparragos y Tagarninas blogean bost puntuko artikulu argigarria idatzi du koronabirusa eta gizarte kapitalistaren dogma "ukaezinen" inguruan.

Oscar García Jurado
2020ko martxoaren 12a

Bat: Koronabirusa etorkizunean sortuko diren patogeno are hilgarriagoetako bat da. Badirudi jatorria animalien birusa gizakiei transmititzean dagoela; enpresek etekinak bilatzen dituzte industria-nekazaritza intentsiboaren bidez, eta horrela, animalia basati exotikoen haragi-merkatuak zabaltzen dira.

Bi: Ez gaitezen engaina, birusak eragindako gaixotasun eta heriotzak ez dira kezkatzekoak Kapitalaren estrategentzat; goseak eta saihestu daitezkeen gaixotasunek urtero eragindako milaka heriotzak ez diren bezalaxe. M. Roberts berak ere entzun du argudioa "kapital finantzarioaren suite exekutiboetan: pertsona zahar eta inproduktibo asko hiltzen bada, horrek produktibitatea handitu lezake… gazteak eta produktiboak direnak gehiago biziko direlako!". Logika kapitalista bete-betean. Pentsioen "iraunkortasunerako", besteak beste oso positiboa izan liteke adineko pertsonek gutxiago irautea. Kezka burtsako merkatuei, irabaziei eta ekonomia kapitalistari egin dakiekeen kalte potentzialean zentratzen da; epidemia hori atzeraldi edo depresio handi baten eragilea izan ote litekeen, lehenengoa 2008-2009 urteetako Atzeraldi Handiaz geroztik.

Hiru: Birusen izurritean naturak zerikusia izan dezaken arren, heriotza kopurua giza ekintzaren araberakoa da: ekonomiaren egitura soziala; azpiegituren eta medikuntzako baliabideen maila; eta gobernuen politikak. Horregatik, Estatuak zerbitzu publikorik kasik ematen ez duen ekonomietan erabateko deskontrolaren beldur dira, hala nola AEBetan –gastu publiko handia dago, baina alor militarrean–.

Lau: Arazo honen konponbideak auzitan jartzen du ekonomia eta gizarte kapitalistaren dogma ukaezina: lehiakortasunaren ontasuna eta etekin ekonomikoaren bilaketa. Dean Bakerrek horrela adierazi du: “Mundu osoko jendea txertoa ahalik eta azkarren garatzeko lanean ari da. Albiste txarra da denak elkarrekin kolaboratzen aritu beharrean, elkarren artean lehian ari direla”.

Bost: Egungo osasun krisia une aproposa da ekonomia kapitalistari erasoegiteko: aurre egiteko merkatuaren dogmari; soilik soldatapeko gisa ulertzen den lanari; lehiakortasuna, truke balioa, jabetza pribatua eta irabaziak helburu dituen horri. Baina gertatzen da lehen ere inokulatu zela birus hilgarri eta erreakzionario bat: birus kapitalistaren aurkako jarrera akritikoa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Koronabirusa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude