Biolentzia kapitalistaren aurkako mobilizazio nahiz ekitaldiak antolatu dituzte hainbat Kontseilu Sozialistak urte amaierarako
Biolentzia kapitalistari aurre egiteko deia aterako dute kalera Euskal Herriko hainbat txokotan, manifestazio nahiz ekitaldi politikoen bidez. Iruñean, bestalde, neurri autoritarioen kontrako mobilizazio bat egingo dute.
aurre egingo dieten hedabide independenteak
Amaitzear da 2021. urtea, eta azken hamabi hilabeteek utzitako hainbat datu gordini egin diete azpimarra Euskal Herriko hainbat Kontseilu Sozialistak. Besteak beste, gogoan izan dituzte aurten soldatapean lanean ari zirela bizia galdu duten 61 langileak, indarkeria matxistaren ondorioz erailak izan diren bost emakumeak, nahiz muga-bidean hil diren zazpi pertsona migratzaileak. Erailketa horiek guztiak sistema kapitalistari berezkoa zaion bortizkeriaren zenbait aurpegi direla nabarmenduta, biolentzia kapitalistari aurre egiteko deia luzatu dute.
Basakeria kapitalista jopuntuan jarri eta horri aurre egiteko deia kalera aterako dute, beraz, hainbat eskualde nahiz hiriburutako Kontseilu Sozialistek. Urte amaierarako jarri dituzte hitzorduak, hain justu, Sakanako (Nafarroa), Buruntzaldeko (Gipuzkoa), Hego Uribeko (Bizkaia), Urola Erdiko (Gipuzkoa), Bilboko (Bizkaia), Durangaldeko (Bizkaia), Lea-Artibaiko (Bizkaia), Donostiako (Gipuzkoa), Busturialdeko (Bizkaia), Tolosaldeko (Gipuzkoa), Bidasoako (Gipuzkoa), Ipar Euskal Herriko eta Oarsoaldeko (Gipuzkoa) Kontseilu Sozialistek.
Hona hemen orain arte egin diren deialdi guztiak:
Abenduak 26
- Manifestazioa Altsasun, Biolentzia kapitalistari aurre egin lelopean. Sakanako Kontseilu Sozialistaren eta Gazte Koordinadora Sozialistaren deialdi bateratua.
Abenduak 29
- Manifestazioa Hernanin, Biolentzia kapitalistaren aurrean, langile antolakuntza lelopean. Buruntzaldeko Kontseilu Sozialistaren deialdia.
- Kontzentrazioa Basaurin, Biolentzia kapitalistari aurre egin lelopean. Hego Uribeko Kontseilu Sozialistaren eta Gazte Koordinadora Sozialistaren deialdi bateratua.
Abenduak 30
- Manifestazioa Azpeitian, Biolentzia kapitalistari aurre egin lelopean. Urola Erdiko Kontseilu Sozialistaren deialdia, Urola Kostako Kontseilu Sozialistaren atxikimenduarekin.
- Manifestazioa Bilbon, Biolentzia kapitalistari aurre egin lelopean. Bilboko Kontseilu Sozialistaren deialdia.
- Manifestazioa Durangon, Biolentzia kapitalistari aurre egin lelopean. Durangaldeko Kontseilu Sozialistaren deialdia.
- Manifestazioa Lekeition, Basakeria hau betikotu ez dadin, antolakuntza komunista lelopean. Lea-Artibaiko Kontseilu Sozialistaren deialdia.
- Manifestazioa Donostian, Biolentzia kapitalistaren aurrean, langile antolakuntza lelopean. Donostiako Kontseilu Sozialistaren deialdia.
- Manifestazioa Gernikan, Basakeria kapitalistaren aurrean, antolakuntza indartu lelopean. Busturialdeko Kontseilu Sozialistaren deialdia.
- Manifestazioa Tolosan, Biolentzia kapitalistari, langile batasuna lelopean. Tolosaldeko Kontseilu Sozialistaren deialdia.
- Ekitaldia Oreretan, Biolentzia kapitalistaren aurrean, langile antolakuntza lelopean. Oarsoaldeko Kontseilu Sozialistaren deialdia.
Urtarrilak 2
- Ekitaldia Irun eta Hendaia arteko Avenida zubian, Basakeria kapitalistari aurre egin lelopean. Bidasoako eta Ipar Euskal Herriko Kontseilu Sozialisten deialdi bateratua.
Iruñean, kalera neurri autoritarioen aurka
Iruñerriko (Nafarroa) Kontseilu Sozialistak ere egin du mobilizazio deialdi bat urte amaierarako. Abenduaren 7an Covid ziurtagiriaren ezarpenaren aurkako kontzentrazio batera deitu zuen GKSrekin batera, Ez da osasun neurri bat, kontrol soziala da aldarri hartuta. Hari horretatik tiraka, Neurri autoritarioak gelditu aldarripean mobilizatzera deitu du orain Iruñerriko Kontseilu Sozialistak. Abenduaren 30ean izango da manifestazioa, 19:00etan, Iruñeko Sarasate pasealekutik hasita.
"Modu irregularrean prozesaturiko zigor ororen berehalako itzultzea, erantzukizunen eta gehiegikerien ondoriozko neurriak argitzea, eta askatasun zibil zein politikoak urratzen dituen neurri ororen etetea eta indargabetzea" exijitu dituzte Iruñerriko Kontseilu Sozialistako kideek. Nabarmendu dute, gainera, "pertsona guztiok kalitatezko osasun unibertsala izan dezagun", ezinbestekoa dela "osasun publikoaren erritmoa farmazia-enpresa handien eta finantzarioen interesen mende markatzen duen egungo sistema gainditzea". "Injustizia guztiak modu eraginkorrean gaindituko dituen sozialismoaren proiektu integrala eraikitzen jarraitu ezean, ez da irtenbiderik izango", gaineratu dute.
"Frankismoaren adierazpen zehatzen" eta "faxismoaren berrindartzearen kontra mobilizatzera eta antolatzera" deitu dute.
Frankismoaren azken exekuzioak hartu ditu hizpide Javier Buces historialariak, Askatasun Haizea (Txalaparta) liburuan. Estatuak eragindako biktimak, "bigarren mailako biktima" izaten jarraitzen dutela uste du Bucesek.
1985eko irailaren 25ean Inaxio Asteasuinzarra hernaniarra, Sabin Etxaide zestoarra, Agustin Irazustabarrena astigarragarra eta Jose Mari Etxaniz urretxuarra hil zituen GALek Baionan. 40 urte geroago omenaldia egin diete Monbar Hotelaren aurrean, hil zituzten lekuan.
Guardia Zibilak "jardunaldi irekiak" antolatu ditu irailaren 27an Bilboko Ramon de la Sota moilan, Karola garabi ezagunaren ondoan, eta armak eta ibilgailuak erakutsiko dituzte, besteak beste. Naiz-ek argitaratu duenez, erakustaldia egiteko Bilboko Udalaren baimena dauka... [+]
.jpg)
Gaizkile elkarte baten parte izateagatik jarri diote kartzela zigorra; haatik, bestalde leporatzen zitzaionarentzat errugabetu du Pariseko Auzitegi Korrekzionalak. Frantziako presidentetzarako 2007ko kanpaina finantzatzeko Muammar Gaddafi Libiako diktadore zenarengandik... [+]
2023ko urriaren 7tik urte bi bete diren honetan, Palestinako Presoen Elkarteak eta Espetxeratutakoen Batzordeak kaleratutako txosten batek alarmak piztu ditu: bertan salatzen dute Israelgo kartzeletan dauden preso gazatarrek “muturreko tortura eta abusuak”... [+]
1985ean Guardia Zibilak Mikel Zabalza bahitu, torturatu eta hil zuela 40 urte dira aurten. Hori dela-eta, ekimen berezia antolatu dute hainbat eragilek: autobus ibiltari batek erakusketa eramango du herriz herri, kasuari buruz oraindik erantzunik gabe dauden galderak... [+]
Jon Gurutz Gomez Goikoleak Juan Mari Atutxaren ondoan egin zuen lan Jaurlaritzaren Segurtasun Sailean 1992 eta 1998 artean, lehenik prentsa aholkulari gisa eta 1994tik kabinete buru. Izendapena Miren Dobaran Arkautiko aurreko zuzendariak dimisioa eman eta ia bi hilabetera... [+]
Baigorri, Urruna, Maule, Ozaze, Izura, Lexantzü edo Itsasuko herriko etxeetan Palestinako bandera agerian eman dute, palestinar populuari sustengu gisara. Aste hondarrean prefetak Palestinako bandera kendu arazi zuen Maulen.
Izpegiko besten karietarat Baztango eta Baigorriko gazteek mahai-ingurua antolatua dute arrats honetan Iparretarrak talde armatuaren memoria kolektiboa eraikitzeko beharrez. IKko sortzaileetan izan den Pilipe Bidartekin mintzatu gira, jakiteko nola bizi izan dituen 40 urte... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Tokiko EH Bilduk deitoratu du Bilboko Portu Agintaritzak hotel bat egin gura duela Getxoko Kirol Portuan. Udal taldearen esanetan, lau izarreko, 190 logelako eta 26 metroko altuerako eraikina gurutza-ontzien turismoa bultzatzeko estrategiaren parte da, eta, horregatik, proiektua... [+]
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
"Oraindik korapiloa askatzeko" dagoela gogoratzeko eta Txiki eta Otaegiren fusilatzeen 50. urteurrena kari, Sortuk bi pankarta handi eskegi ditu Cuelgamuroseko monumentuko arku batetik. 1975ean bertan lurperatu zuten Francisco Franco diktadorearen gorpua, 1936ko gerran... [+]
