Bilbon gerraren konplize izateari ezetz esan diote
Elkarretaratzea egin dute Bilbon, otsailaren 9an, Bahri Yambu itsasontziaren porturatzearen aurka. Protesta deitu duten taldeek, euren artean Ongi Etorri Errefuxiatuak, “Gerra hemen hasten da” eta Amnistia Internazionala, salatu dute itsasontzi arabiarra Bilboko portura gerturatu dela. Duela bi urte ere porturatu zen itsasontzia Bizkaiko uretan, baina armarik kargatu gabe egin zuen alde, hainbat eragileren protestengatik
Arabia Saudiko bandera duen itsasontzi hau ez da berria euskal uretan. Duela bi urte itsasontzi honen berri izan zen. 2017ko martxoan jakin zen Bilbotik armak bidaltzen zirela Arabia Saudira, eta handik urtebete eskasera izan zen armak kargatzeko saiakera. Protesta handiak izan ziren Bilboko portuan, Greenpeace erakundea tartean zela, eta azkenean armarik gabe egin zuen alde itsasontziak.
Oraingo honetan egoera berdintsuan dago itsasontzia. “Gerra hemen hasten da” kolektiboak arma horiek Yemengo gerran erabiliko dituztela salatu du. Gerra horretan 200.000tik gora dira hildakoak jada; erdiak haurrak.
Bilboko portuaren eta erakundeen onespena dutela giza eskubideak urratuko dituztela azpimarratu nahi izan du “Gerra hemen hasten da” taldeak, eta duela bi urteko emaitza bera lortzeko borrokan jarraituko dutela.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".