Bilboko portuko edukiontzien terminala multinazional txinatar batek erosi du
Cosco Shipping Ports Hong Kongeko multinazionalak, espainiar estatuko portuen edukiontzien jabe den enpresaren %51 erosi du.
Grezian 2016an egin bezala, Cosco-k espainiar estatuko portuen gehiengoan eskuratu du. Pasa den asteartean Noatum taldeari 203,5 milioi euroren truke erosi dio akzioen %51. Noatum Ports-ek Valentziako eta Bilboko portuak kontrolatzen ditu, baita Madrilgo eta Zaragozako portu lehorrak ere.
Alternatibak kezka adierazi du multinazionalak ezar ditzakeen lan baldintzengatik, Greziako zamaketariak “esklabotza egoeran” dituztela salatuz: “Miseriazko soldatak, lanaldi amaiezinak eta inolako formakuntzarik ez diete ematen, egin beharreko lan arriskutsua aurrera eramateko. Are larriagoa da, ez baitago errealitatean sindikatu zein lan hitzarmenik, ondorioz, pobrezia, segurtasun eza, lan baldintza eskasak eta duintasun falta ugaritzen dira”.
2016ean Greziako portuen akzioen %51 erosi zuen Cosco-k, eta bost urteko epean %67a eros dezake, erabat pribatizatuz sektorea.
Rebelion gunean Inazio Aiestaranek argitaratutako “Deuda soberana y economía intervenida en el conflicto de la estiba” artikuloan, gaiari buruzko xehetasun gehiago ematearekin batera, PPren gobernuak, Ciudadanos, UPN eta EAJ-rekin batera onartu zuen zamaketarien dekretuarekin lotura duela salatu du.
Bilboko zamaketariak %100eko jarraipena izaten ari den 48 orduko greban daude asteazken eta ostegunaren artean.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Urriaren 24an, Steilas sindikatuak “Hezkuntza Salgai” dokumenatala aurkeztuko du. Segregazioa, aukera berdintasuna, ebaluazioa eta beste hainbat gai jorratu eta hezkuntza publikoak egun duen egoera aztertzen da, hainbat adituen iritziak jasota.
Enpresa Komiteak hala erabakita, Gasteizko Simply supermerkatu guztietan greba egin dute urriaren 18an, supermerkatu asko ixtea lortuz. Gasteiz Hiribidean kokatuta dagoen supermerkatuak igandero, urteko 365 egunetan eta 07:00etatik 01:00ak arte ireki nahi ditu ateak: bertako langileek igandero egingo dute greba, supermerkatua itxita mantentzeko asmoarekin.
EAEko hezkuntzan sare publiko bakarreranzko bidea egiteko eta “aukera berdintasuna bermatzeko” sei urrats jasotzen dituen dokumentua aurkeztu du Steilas sindikatuak. Eskola publikoarentzat finantzaketa lege bat ere eskatu du.
Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".
Euskal Herriko Eskubde Sozialen Kartak pobrezia eta gizarte-bazterketaren kontrako herri-ekimen legegilea butzatzeko beharrezkoak diren sinadurak entregatu ditu.
Bulegoetako langileen %88ak egin du geldialdia, ikuskarien artean %80ak (Mercairuñea eta Arbizuko datuak). Mercairuñan 50 ibilgailuri egin diete azterketa teknikoa. Ohiko egun batean 500 egiten dituzte. TÜV Rheiland enpresarenak dira hirurak. Langile gehiago eta baldintza hobeak exijitzen ari dira.
Eskola-segregazioa hezkuntzatik harago gizarte osoa inplikatzen duen gaia dela eta giza-eskubideak urratzen direla sinetsita, Eusko Legebiltzarreko Giza Eskubideen Batzordean agerraldia eskatuko du Steilas sindikatuak.
3.000 lagun inguru bildu ditu asteazken arratsaldean Naval ez itxi lelopean Sestaon egindako manifestazioak. Zuzendaritzak jakinarazi du hilabetea amaitu baino lehen etengo dituela 177 langileen kontratuak.
Bi egunez jarraian greba zuten deituta Kristau Eskola eta IZEA itundutako ikastetxeetako langileek. Sindikatuen arabera, grebaren jarraipenak aisa gainditu du langileen %65 eta asteazkenean milaka lagun irten da kalera EAEko hiru hiriburuetan. Astearte eguerdian Bilbon egindako manifestazioan, berriz, 6.000 lagun baino gehiago bildu zen.
Donostiako Tabakaleran dagoen Ubik sorkuntza liburutegiko langileek “aski da” esan dute. Joan den asteburuan hainbat hedabidek jaso zuten biblioteka berezi horretan lan egiten duten hamahiru bitartekarien protesta: hilean 1.000 eurora iristen ez diren soldatak, ordutegi kaotikoak, asteburuetan eta jai-egunetan lan egin beharra plusik kobratu gabe… Prekarietate-putzu bat, hiriak azken urteetan egin duen inbertsio kultural handienaren erdian.
