Maiatzaren 31n hasita, ostegunero jarriko ditugu publiko ARGIAren Azokan Bizi Baratzeako bi lamina. Asisko Urmeneta, Unai Iturriaga, Mattin, Ainara Azpiazu "Axpi", Antton Olariaga, Zaldieroa, Unai Gaztelumendi eta Joseba Larratxe komikilariek, Jakoba Errekondorekin batera herriz herri eman dituzten KomikHitzaldietan momentuan sortutako marrazkiak dira. Lamina bakoitza bakarra da, originala alegia.

ARGIAk bihotzez eskertzen die marrazkilari hauei, beren artelanak ARGIA Jendeari emateagatik. Izan daitezela, herritarrok ARGIA sendotzen jarraitzeko pizgarri.

Bihar eskuratu ditzakezun bi laminak: Bizi Baratzea 1 eta 2

Hauexek dira maiatzaren 31n, goizeko 10:00etan publiko jarriko diren laminak. ARGIAren Azokan frogatzen ari gara ARGIA Jendeak badakigula eman eta hartzen, guztion onura elikatuz. Horregatik, ARGIA kide bakoitzak irudi bakarra hartu ahal izango du, aberastasun ilustratu hau ahalik gehien banatu dezagun:

Ezaugarriak:

- Kartoi gogorrean eginak

- Neurriak: 35 zm x 50 zm.