Biden ‘erredentorea’
Deabrua badoa. Argi diote sona handiko egunkari, telebista eta irrati gehienek. Bigarrenez, sekulako estaldura egin zuten Mendebaldeko komunikabide boteretsuenek Donald Trump ehorzteko, honakoan garaipena lortuz. Beraz, lau urte ekaiztsuen buruan, ilegorriak Etxe Zuria utziko du.
Ez naiz ni Trumpen irudia zurituko duena, ultraeskuindar xenofoboa baita. Hala ere, argi daukat ez dela aurreko lehendakariak baino okerragoa izan. Esparru askotan, bederen. Gauzak horrela, badirudi Ernesto Guevararen haragitzea iritsi dela munduko besaulki ahaltsuenera, iritzi publikoaz fidatuko bagina. Baina Joe Biden ez da, inondik inora, albistegietan agertu nahi duten “buruzagi iraultzaile” hori.
Hasteko esan Trumpek 2016ko hauteskundeak irabazi eta berehala berpiztu zela Hirugarren Mundu Gerraren mamua, batik bat Ipar Korearekin izandako tirabirak zirela eta. Aitzitik, Jimmy Carterren agurraz geroztik (1980) gudarik piztu ez duen presidente bakarra izan da, Bolivia eta Venezuelako estatu-kolpe saiakerak salbu. Gaur egun Estatu Batuek beste motako injerentziak eramaten dituzte aurrera. Kamuflatuagoak.
"Barack Obamaren lehen mandatuan, non Bidenek lehendakariorde lanak egin zituen, Estatu Batuen historian egondako deportazio kopuru handiena jazo zen"
Bidenen curriculumean, aldiz, pasarte oso eztabaidagarriak aurki daitezke. Bere gerrazalekeriari buruzko deus entzun ez badugu ere, Yugoslavia (1999) eta Irak (2002) bonbardatzearen alde bozkatu zuen. Nahiz eta suntsipen handiko armarik ez aurkitu, bere bulkada belizistak ez ziren bertan behera geratu eta 2011ean Libiaren kontrako erasoa babestu zuen, herrialdea kaosean murgilduz. Gainera, bere burua konplexurik gabeko sionistatzat aitortu du behin baino gehiagotan. Egia esan, Palestinako sarraskia iraunaraztea AEBetako presidente izatera iristeko nahitaezko baldintzatzat hartu daiteke.
Bestetik, Biden “bedeinkatuak” arazo anitz izan ditu korronte feministekin. 1981ean, senataria zela, abortua legez kanpo uzten saiatu zen, bere jarrerari 2019ra arte eutsiz. Alderdi Demokrataren baitan horren ideia atzerakoia publikoki defendatzen zuen bakarra zela ikusi ostean, egunetik egunera diskurtsoa aldatu zuen. Aipatzekoak dira bere ibilbidean zehar jaso dituen salaketak. 1993an Tara Readek, 90ko hamarkadan izandako laguntzaileak, sexu erasoa leporatu zion. Are gehiago, lehendakarigai aurkeztu zenean, beste zazpi emakumek aurreko urteetan jasandako jazarpena salatu zuten. Susmopean egon da betidanik, botereak emandako immunitatea baliatuz.
Deigarria da oso arrazismoaren kontua. Izan ere, Trumpen agintaldian indarra hartu duen mugimenduetako bat Black lives matter da. Batek esango luke deserritze masiboak izan direla. Ordea, Barack Obamaren lehen mandatuan, non Bidenek lehendakariorde lanak egin zituen, Estatu Batuen historian egondako deportazio kopuru handiena jazo zen. Ez dut uste bere agindupean poliziek beltzak erailtzeari utziko diotenik.
Belizistak, matxistak eta arrazistak dira, biak ala biak. Itxurek ez gaitzatela itsutu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Komisaldegian paper batzuk eman dizkidate. Izerdi tanta bakarra dakit bekokian behera bularreraino, piztu aire girotua, mesedez. Parrandan ondoegi pasatzearen asuntoak, hurrengo goizean galdutakoak salatu beharra. Inozo aurpegidun munipa batek hurrengo asterako zita eman ahal... [+]
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
