Bidegi auziko kereiletako bat artxibatu du epaileak behin behinean
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera faltsua" eman nahi zaio gaiari.
AP1 autobideko obren ordainketetan 2009 eta 2011 artean egindako ustezko irregulartasunengatik hainbat kereila jarri zituen Gipuzkoako Aldundiak 2015ean, Bilduren eskuetan zenean.
Zortzi urteren ondoren, Bidegi auzia izenez ezagutzen denaren kereiletako bat artxibatu egin du kasua daraman Azpeitiko lehen instrukzioko epaitegiak. El Diario Vasco egunkariari filtratu diote abuztuaren 25eko data daraman magistratuaren autoa.
AP1 autobidearen Arlaban-Eskoriatza zatiko 40,7 milioi euroko likidazioa ontzat ematen du epaileak, ez duelako delitu "zantzurik" aurkitu, eta kereila jartzeko Ingeotyc ingeniaritzaren hasierako txostena "akatsez beteta" dagoela dio, egunkari horren arabera.
2016an Aldundiak berriz ere eskuz aldatu eta jadanik EAJ eta PSE-EE agintean zirenean, beste txosten bat aurkeztu zuen, kereila "omisio eta akatsez" beteta eta iruzur salaketa “errealitatetik oso urrun” zegoela esaten.
AP1 autobidearen Arlaban-Eskoriatza zatiko 40,7 milioi euroko likidazioa ontzat ematen du epaileak, ez duelako delitu "zantzurik" aurkitu
AP1eko ordainketetan izandako irregulartasun susmoak Arabako Aldundiak ere izan zituen, obren zati bat lurralde horretan egin baitzen, baina Gipuzkoako Aldundiak hartu zuen auzitara jotzeko iniziatiba, akusazio partikular moduan –besteak beste erabilitako hormigoiaren neurketak puztuta zeudela zioen–.
Kereilak tramitera onartu zituen Azpeitiko auzitegiak eta hainbat lagun inputatu zituen, tartean Bidegiko zuzendari tekniko ohi Agustin Zugasti –Eneko Goia Garraio diputatu ohiak ere epaitegian deklaratu zuen, baina lekuko bezala–. Ondoren, Gipuzkoako Aldundiak, eskuz aldatuta, kontrako norabidea hartu zuen eta EH Bilduko hainbat karguk jarraitu dute geroztik auzitan herri akusazio gisa.
Artxibatzea behin behinekoa da eta helegitea jarri diezaioke oraindik herri akusazioak. Auziko beste kereilen inguruan, berriz, ez dago berririk oraingoz.
EH Bildu: "Auzia faltsuan itxi nahi da"
EH Bilduk ohar bidez azaldu du kereila hori artxibatzea "faltsuan ixtea" dela eta "herritarrari egia jakiteko eta berme guztiak dituen prozesu bat edukitzeko eskubidea kentzea" dela.
Era berean, kereilak "oinarri sendoak" dituela azaldu du eta salatu du auzitegiak beste txosten perizial independente bat egiteari uko egin diola.
Mendoza: "Politikan denak ez du balio"
Eider Mendoza Gipuzkoako Diputatu nagusiak, bere aldetik, prentsaurrean hitz egin du. Zuhurtzia azaldu nahi izan du, ebazpena behin behinekoa delako, baina Gipuzkoako erakundeen "funtzionamendu onaren eta zuzentasunaren" seinale dela esan du.
"Politikan denak ez du balio, eta are gutxiago pertsonen ohorearen eta erakundeen sinesgarritasunaren aurka zuzenean jardutea, datu okerretan eta funtsik gabeko interpretazioetan oinarrituta", nabarmendu du Gipuzkoako mandatariak.
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.