Bidegi auziko iruzur salaketa “errealitatetik oso urrun”, Gipuzkoako Aldundiarentzat
Arlabango tunelean ustez egondako desfaseei buruzko kereila berraztertu du eta “manipulazio” eta “akatsez” beteta dagoela dio orain EAJren esku dagoen gobernuak.
Gipuzkoako iruzur kasu larriena izan litekeen Bidegi auzian iniziatiba Gipuzkoako Aldundiak hartu du beste behin, baina kasu honetan bere aurreko gobernuak egindako salaketa deskalifikatzeko.
AP-1eko Arlaban-Eskoriatza zatian EH Bilduren exekutiboak bidegabeko ordainketengatik jarritako kereilari buruzko txosten baten ondorioak aurkeztu ditu Aintzane Oiarbide bide Azpiegituretako diputatuak. Honen arabera, “ustekabekoak ez diren akatsak” ditu salaketak eta 17 milioi euroko ustezko iruzurretik 8,3 milioi “bakarrik saiatzen dira justifikatzen”.
Oinarrizko akatsa behin-behineko eta behin-betiko ordainketak nahastean dagoela dio Bide Azpiegitura sailak. Ustez bi aldiz ordaindu ziren Arabako obren zatian, adibidez, 2009ko ordainketa behin behinekoa ei zen eta 2011koa azken likidazioa. Bien arteko diferentzia 10 milioi eurokoa da. Arabako Aldundiak, ordea, jakinarazi zuen denbora tarte horretan ez zela inolako obrarik egin bere zatian.
Txostenak akats gehiago atzeman dituela dio Aldundiak, batzuk “intentzio osoz manipulatuta”. Arlabango tunelean 144 luizi egon arren kereilak 20 baino ez dituela jasotzen dio Oiarbidek eta halakoek azken likidazioan eragin handia dutela. Kereilan eginiko neurketak “errealitatetik oso urrun” daude diputatuaren ustez.
Berraztertze txostena Aldundiko bi teknikarik eta ingeniari pribatu batek sinatu dute eta kasua daraman Azpeitiko epaitegiaren esku utzi du Aldundiak. Baina paradoxikoki, ez du salaketa erretiratu eta foru erakundeak jarraitzen du akusazio partikular moduan.
EH Bildu: “Dena espero bezala”
EH Bilduren gobernuak bi kereila kriminal aurkeztu zituen AP-1 autobideko obrei lotuak, guztira 30 milioi euroko zuloa salatuz: orain aztertu duten Arlabango tunelari dakiona bata (17,1 milioi euro), eta Arrasate-Eskoriatza zatiari dagokiona bestea (13,6 milioi euro). Bigarren honi buruzko beste txosten bat ari dira egiten Aldundiko langileak baina “hilabete batzuk” eramango die horrek.
EH Bilduk ohar bidez azaldu duenez, aurreikusita zuen oraingo Aldundiak “kontrainformeak” aurkeztea –Larraitz Ugarte aldundiko bozeramaile ohiak “dena espero bezala” gertatzen ari dela idatzi du Naiz.eus-ek argitaraturiko iritzian–. Nolanahi ere, koalizio abertzaleko Gipuzkoako batzarkide Iban Asenjok garbi du kereilak “oinarri juridiko sendoa” duela eta horren erakusle da epaileak dokumentazioa ontzat hartu eta hainbat lagun inputatu izana.
Besteak beste Markel Olano diputatu nagusiak eta Eneko Goia Donostiako alkateak igaro behar dute epaitegitik Bidegi auzia dela eta lekuko gisa deklaratzeko.
Aldundiak “ustezko irregulartasunak estali eta egia oztopatu nahi duela” uste du EH Bilduk, eta Batzar Nagusietan ikerketa batzordea martxan jartzeko eskatu du beste behin. 2015ko azaroan Podemos eta EH Bilduk ikerketa batzordea osatzeko egindako eskaria atzera bota zuten EAJ, PSEk eta PPk.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]