"Beti erran didatenez, Euskal Herrian emazteak sukaldean gelditzen dira"
Kazetarien aitzinean izanik ere, lasai asko aritu dira irakurketa matxistak zabaltzen Aviron Bayonnais Campus formakuntza gunearen inaugurazioan. Jean-Jacques Lasserre politikari ezagunak ere egin ditu gisa horretako adierazpenak: "[Errugbilarien zapaten] kranpoiak oso garbiak dira. Nire emazteari zapatak nola garbitzen diren erakutsi beharko litzaioke". Gizonen artean ospatu dute gunearen irekitzea.
"Proiektuak AB Etxea du izena. Etxea euskarazko etxea da. Eta beti erran didatenez, Euskal Herrian emazteak sukaldean gelditzen dira". Aviron Bayonnais errugbi taldeko lehendakari Philippe Tayeben adierazpenak dira, maiatzaren 30ean buruturiko AB Campus formakuntza gunearen inaugurazioan egindakoak. Emakumeen presentzia eskasaz galdetu zion kazetariak eta hori eman zion erantzun gisa.
Direla kirol taldeko kideak, hautetsiak zein gunearen eraikuntzan parte harturiko eragileak, gizonen arteko topaketa izan zen inaugurazioarena. Beste behin ere, bakarrik gizonak lehen lerroan eta argazkian. Errugbi profesionalerako formakuntza gunearen aurkezpen irekia eta publikoa izan zen asteartekoa eta emakumeentzako ez zen lekurik.
Lasserre hautetsiaren jarrera sexista
Gizonen artean gizonkerian zeingehiagokan zirela, Jean-Jacques Lasserre politikari ezagunak ere bota zituen adierazpen sexistak. Kazeta.eus-ek jaso duenez, horra hitzez hitz errandakoa: "[Errugbilarien zapaten] kranpoiak oso garbiak dira. Nire emazteari zapatak nola garbitzen diren erakutsi beharko litzaioke".
Bertan zegoen kazetari batek adierazpen horien larritasuna azpimarratu bazien ere, berdin-berdin segitu zuten, inolako barkamenik edota traba sentsaziorik plazaratu gabe.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Incel, involuntarily celibate hitzetatik hartutako terminoa da. Euren nahien kontra harreman sexualak izateko gai ez direla dioten pertsonez osatutako komunitate birtuala da. Batez ere, gizon heterosexual zuriek osatzen dute ‘azpikultura’ hau. Metropoli Forala... [+]
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]