ARGIA.eus

2020ko maiatzaren 29a

Berriozarren ere apustu etxeen kontra batu dira bizilagunak

  • Urtarrilaren 18an manifestazioan negozio hauen kontra azaltzera dei egin dute. Gaur egun apustu etxe bat dago Berriozarren, baina beste bat irekitzear dagoela salatu dute bizilagunek. Udalak, lizentzia berri guztiak geldiarazi egin ditu.

Euskalerria irratia @fm983irratia
2019ko abenduaren 20a
Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.

"Berriozarko bizilagunok ez dugu beste aukerarik antolatzea besterik" adierazi du Berriozarko Apustu Etxeen Kontrako Plataformak, "Legeak erregulatu edo zaildu dezake negozio hauen zabalpena, baina ezin du ludopatiaren zabalpena edota gure txirotzea ekidin, eta batez ere, ezin du negozio hauen itxiera lortu. Horregatik antolatu gara plataforma honetan, herri bezala antolatzeko, negozio hauen aurka borrokatzeko".

"Auzo eta herri langileetan zabaldu dira, negozio honen ondorioak nagusiki pairatzen dituen jendea bizi den tokietan alegia" salatu dute. "Negozio hauen eragina menpekotasunetik haratago doa, apustuen munduan murgildu, errealitatetik urrundu eta gure eguneroko arazoen aurrean sumiso eta axolagabe mantentzen gaitu".

Berriozarko Udalak iragarri du ez duela apustu etxe berririk zabaltzeko baimenik emanen hemendik aurrera. Erabakia txalotzen duen arren, Plataformak gaur egun joku etxe bat badagoela gogorarazi eta beste bat zabaltzear dagoela azaldu du.

Urtarrilaren 18an manifestazioan bat egitera deitu dituzte Berriozarko bizilagun guztiak.

Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Apustu etxeen gorakada  |  Berriozar

Apustu etxeen gorakada kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude