Bergarako lotuneko beste zati bat esleitu du Adifek: kilometroko 35 milioi euro

  • Espainiako Sustapen ministerioak Euskal Y-aren bigarren zati bat esleitu du Bergarako lotunean, trenbide azkarraren sareak bat egiten duen tokian.


2018ko uztailaren 19an - 16:46
AHTren obrak Antzuola eta Ezkio artean(Argazkia: Eusko Jaurlaritzako Ekonomiaren Garapen eta Azpiegitura saila)

5,21 kilometroko luzera duen zatia egiteko 182,7 milioi euro emango dizkio Dragados, Tecsa eta Amenabarrek osatutako aldi baterako enpresa elkarteari, 30 hilabeteko epearekin.

Berrikitan, Europako Kontu Auzitegiak kaleratutako txosten batek nabarmentzen zuen AHT sarea egiteak batez beste 25 milioi euro kostako zuela kilometroko Europan, eta gehiegizkotzat jotzen zuen gastu hori. Arantza Tapia Eusko Jaurlaritzako azpiegituretako sailburuak azalpenak eman behar izan ditu eta esan du Euskal Y-aren kilometro bakoitza 27,4 milioiren bueltan ibiliko dela, “ez gaude hain urrun”.

Baina Adifek eginiko azkeneko esleipenak ez du hala adierazten: 34,86 milioi eurokoa izango da kilometro bakoitzeko. Zati hori ia erabat joango da lurpean, Udalaitz mendia aldez alde zulatuko duten 4,6 kilometroko bi tunelekin.

Bergarako lotuneko AHTren zatiek urte askotako atzerapena daramate.  Bere garaian oso merke esleitu ziren –%51ko beherapena izan zuten– eta obraren konplexutasunaren ondorioz enpresak atzera bota ziren azkenean. Diseinu berria esleitzeko orduan, duen kostu itzela agerian geratu da orain.

Ekopol unibertsitate taldeak emandako datuen arabera, ordea, gastua askoz handiago izan daiteke euskal AHTri dagokionez, bes. Talde honek 10.000 milioi eurotan zenbatu du, azkenerako, balizko trenbidearen 175 kilometroek kostako dutena, hau da, kilometro bakoitza 57 milioi euro.


Kanal honetatik interesatuko zaizu: Zor bidegabea
Austeritate politikak
Hau 2024 urtea da: ongi etorri Europa neoliberalaren “normaltasunera”

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Libanon minbizia baduzu, hasi diru bila botikak ordaintzeko, estatuak ez zaitu artatuko

Gaur estatua kiebra jota dago duela urte batzuk ‘Ekialde Hurbileko Suitza’ deitzen zuten Libanon. Herritarrei bermatu ezin dizkien oinarrizko zerbitzuen artean dago osasun sistema. Minbiziak, eritasun kroniko larri batek edo buruko gaixotasunak harrapatutako milaka... [+]


2020-04-15 | ARGIA
Kanpo-zorraren ordainketa urtebetez atzeratuko diete 76 herrialde txiroenei

G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.


66.577 milioi euro: Espainiako bankuei emandako diru publikoa “erreskaterako”

Espainiako Estatuko Kontuen Auzitegiak 66.577 milioi eurotan kalkulatu du bankuak erreskatatzeko kostea. Hau da, bankuei emandako diru publikoa eta oraindik, haren zatirik handiena, bankuek itzuli ez dutena.


Herritarren 1,2 milioi euro egunero bankuen eskuetara doaz Nafarroan

Mundu mailako hurrengo krisi ekonomiko handia herrialdeetan metatzen ari den zor erraldoiaren magalean jaioko dela entzuten da gero eta ozenago. Krisia krisiaren gainean. Adituen esanetan,  zorpetzea bultzatzea izan da krisiari aurre egiteko erabili den errezeta nagusia,... [+]


Eguneraketa berriak daude