Etxegabetze asko eragin duen IRPH indizearen auzia Europara iritsiko da, Arabako kasu batengatik

  • Arabako auzitegiak Europara eramango du IRPH klausulen inguruko auzia. Espainiako Auzitegi Gorenak, epaileen arteko desadostasun handiekin, atzera bota zuen Arabatik emandako epai bat, zeinak indize hipotekarioa baliogabetzat jo zuen.

ARGIA @argia
2018ko otsailaren 14a
IRPH indizeak pertsona asko kaltetu ditu, euren hipoteka-kredituetan itzuli ezinezko gainkostuak ezarriz.

Etxegabetze askoren atzean dago IRPH indizea: herritar batek hipoteka-kreditu bat eskatzean, indize hori erabili zuten zenbait finantza erakundek kalkulatzeko zenbat interes ordaindu behar zituen bezeroak. Baina IRPH Stop Gipuzkoa plataformak azaldu izan duenez, IRPH indizeek Euriborraren oso gainetik egin zuten gora, eta kaltetuek euren maileguan hilean 300 euro baino gehiagoko gainkostua hartu zuten beren gain. Askok ezin izan zioten horri aurre egin, eta ondorioz etxea galdu zuten.

Indizearen gardentasun falta nabarmendu izan dute bezeroek eta Arabako Probintzia Auzitegira eramandako kasu batek arrazoia eman zion Kutxabankekin hipoteka-kreditua zeukan pertsona bati. Arabako tribunalaren arabera, “abusuzko” izaera zuten bai erreferentzia-indizeak, baita haren ordezkoak ere; baita gardentasun falta ere. Hortaz, Kutxabanki agindu zion interes gisa kobratutako diru-kopurua itzul ziezaiola.

Baina Kutxabankek epaia Espainiako Auzitegi Gorenera eraman zuen, eta honek emandako sententzia kolpe handia izan zen IRPH indizeak kaltetutako pertsonentzat. Espainiako epaitegiak, desadostasun handiekin izan bazen ere, IRPHa ontzat eman zuen. Bi epailek boto partikularra eman zuten ordea, esanez indize horren aplikazioak ez duela gardentasun kontrola gainditzen eta Europar Batasuneko zuzenbidearen aurkakoa dela.

Hain zuzen, Europar Batasuneko Justizia Auzitegira eramango du gaia Arabako auzitegiak. Ekimen horren xedea da EBko tribunalak irizpideak ezar ditzala IRPHaren aplikazioaren legezkotasunaz, epaitegien arteko desadostasunekin bukatzeko. Indize polemikoaren inguruko gatazkak Europan jarraituko du beraz, aurrerantzean.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Zor bidegabea  |  Kutxabank  |  Etxegabetzeak  |  Araba

Zor bidegabea kanaletik interesatuko zaizu...
2018-07-19 | ARGIA
AHT-ren xahubidea
Bergarako lotuneko beste zati bat esleitu du Adifek: kilometroko 35 milioi euro

Espainiako Sustapen ministerioak Euskal Y-aren bigarren zati bat esleitu du Bergarako lotunean, trenbide azkarraren sareak bat egiten duen tokian.


Xahubidearen geografia

Europako Kontu Auzitegiak ezbaian jarri du Espainiako AHT sarea eta kritika oso gogorra egin dio ez delako eraginkorra izango; tartean Araba, Bizkaia eta Gipuzkoan eraikitzen ari diren Euskal Y trenbidea aipatzen du Europako txostenak, hau ere errentagarria ez dela izango azpimarratuz.

Bagenekien AHT eta antzeko azpiegitura erraldoiak eraikitzen dirutza joan dela azken bi hamarkadatan Espainiako Estatuan. Baina orain, Europako eta beste hainbat erakundeetako ikerketek baieztatu egin dute... [+]


2018-07-01 | Xabier Letona
Javier Onieva. Diru publikoaren zaindari eta gerlari
"Nafarroan alderdi bakarrak ere ez du zor publikoa ikuskatzeko interesik"

Gogorra da entzutea Nafarroan inongo alderdik ez duela zor bidegabean arakatzeko interesik, ez eskuinean ez ezkerrean. Edo aldaketaren gobernuak ez duela UPNk baino gehiago egiten zerga iruzurraren aurka. Berarekin jardun ondoren, argi ikusten da bankuek 2008an baino botere handiagoa dutela egun, eta botere publikoetatik nekez dagoela haien jarduerari aurre egiteko borondaterik.


Lizarrako kirol hiria: inoiz egin gabeko proiektuak 14 milioi euroko zuloa utzi dezake

Lizarran duela urte batzuk kirol instalazio bat eraikitzeko operazio urbanistikoak kiebrara eraman dezake udalerria, egungo alkate Koldo Leozen (EH Bildu) arabera. Nafarroako Kontuen Ganberak kaleratu berri duen txostenak susmo horiek baieztatu baizik ez ditu egin.


2018-01-23 | ELA sindikatua
Zor Publikoaren inguruko astea Iru˝ean

Nafarroako Parlamentu Sozialak -ELA tarteko- zor publikoaren aurkako astea antolatu du Iruñean, urtarrilaren 22 eta 26 bitartean. Astean zehar hainbat ekitaldi eta hitzaldi izango dira zor publikoaren inguruan. Aipagarria da Eric Toussaintzoren hitzaldia, alegia, zor ilegitimoaren aurkako batzordeko kidearen hitzaldia. Asteartean izango da, hilak 23, Iruñeako Kondestable Jauregian.


2017-12-27 | ARGIA
Erraustegiaren 52.000 tona eskoria nahasteko, urtean 6 milioi euro gastatuko ditu Gipuzkoak

Gipuzkoako Hondakinen Kontsortzioak (GHK) Eguberri egunaren biharamunean onartu ditu Zubietako erraustegiaren bigarren fasearen baldintza pleguak. Biometanizazio planta eta eskoria nahiz errauts toxikoak tratatzeko gunea egingo dituzte, orain erraustegia eraikitzen ari diren tokitik gertu.


Kopenhagen Amager Bakke errauste planta, 'elefante zuri' berria

Aginte publikoek sustaturik altxatako eraikin oso handi, ospetsu eta garestia, aldi berean bere ustiapen edo mantenuan zama ekonomiko bihurtzen dena, horra zer den ingelesez White elephant eta frantsesez Eléphant blanc izendatzen dutena. Hondakinetatik negozio egiten duten korporazioek Kopenhageko Amager Bakke erraustegi berria saltzen dute munduko aurreratuena delakoan. Aldiz, martxan jarri aurretik bihurtuta dago herritarrentzako buruhauste galanta.


Dema itzela Irlandan: Apple eta mundu guztia versus gizon bakarra

Planetako jende burutsuenei uneoroko zoriona zerbitzatzen dien Apple multinazionalak Irlandan eraiki nahi du Europako datu biltegirik handiena, 850 milioi euroko inbertsioa datozen 15 urteetan. Ordaindu gabeko zergetan lehendik milaka milioi ostu dizkien arren, irlandar ia guztiek nahi dute Applek berriro hauta ditzan bere negozioetarako. Ez denek, ordea. Bada norbait jarraitzen duena epaitegietan borrokan urrezko sagarraren asmoaren kontra.


Azkenak
EGILEA
Eguneraketa berriak daude