ARGIA.eus

2021eko irailaren 21a

Kanpo-zorraren ordainketa urtebetez atzeratuko diete 76 herrialde txiroenei

  • G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.

ARGIA @argia
2020ko apirilaren 15a
G7ko herrialdeen bilera 2018an. Argazkia: wikipedia.

Nazioarteko Diru Funtsak eta Munduko Bankuak proposatu dute munduko herrialde txirotuenen zorrak moldatzea, hauek koronabirusaren krisiari aurre egiteko baliabide gehiago izan ditzaten. Helburu horrekin bat eginik, G7ko herrialdeek —Alemania, Erresuma Batua, AEBak, Frantzia, Italia, Kanada eta Japonia— erabaki dute 76 herrialderi kanpo-zorra ordaintzeko beharrak urtebetez atzeratzea. Erabakia G20ak berretsi behar du orain, eta hori egitea espero da. Afrika, Asia eta Karibeko herrialdeak dira zorraren ordainketa atzeratu zaiena: 18.000 milioi euro, orotara.

Atzeratu baino, barkatu

Munduko herrialde txirotuei kanpo-zorra barkatzeko aldarrikapena aspaldikoa da ezkerreko mugimenduen artean. Askotan ordainezina izateaz gain, oinarrian bidegabea dela salatu da hainbat aldiz. Aldarrikapen horrek arnas berria hartu du pandemiarekin, bereziki Hego eta Erdialdeko Amerikan. Besteak beste, Latinoamerikako Geopolitikako Zentro Estrategikoak (CELAG) kanpo zorra barkatzeko sinadura bilketa abiatu dute hainbat eragile eta ezkerreko presidente ohiren babesarekin, milioi bat sinadura lortzea helburu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  G7  |  Zor bidegabea

Covid-19 shockean adi kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude