Emakumeak borrokan

Baxoa euskaraz egitea aldarrikatzeko elkarretaratzea egingo dute astelehenean Baionan

  • Seaskak, Etxepare Lizeoak eta Baxoa Euskaraz! Ikasle kolektiboak deituta, 12:00etan egingo da elkarretaratzea Baionako René Cassin lizeo aurrean.

ARGIA @argia
2018ko ekainaren 18a
Baxoa euskaraz egitea aldarrikatzeko mobilizazioa

Frantziako estatuan bigarren mailako ikasketen amaiera bermatu eta goi mailako ikasketak egin ahal izateko behar den titulua da Baxoa. Ipar Euskal Herrian astelehenean hasten dira titulua lortzera bidean egin beharreko azterketa idatziak. Eta urteetako aldarrikapenari jarraiki, aurten ere hainbat ikasleak azterketak euskaraz egiteko eskubidea aldarrikatuko dute, legeak horretarako aukera eskaintzen duela gogoraraziz.

Seaskak adierazi duenez, beste urte batez “ikasleei azterketa euskaraz pasatzea debekatuko zaie”. Uste berekoa da Hezkunde Ministerioa ere, “Euskararen Erakunde Publikoaren bidez azterketak euskaraz egiteko urratsak eman badira ere” egungo egoera aldatzeko borondaterik erakutsi ez dutela baiteritzote.

Elkarretaratzean beste arazo bat ere azaleratuko dute eta konponbidea eskatu. Datorren ikasturtera begira ikasle kopuru aldetik espero den igoerak 25 irakasleren faltan uzten ditu, Seaskaren arabera. Ikastolen Federazioak gehitu duenez, “Hezkunde Ministerioaren proposamena kopuru horretatik urruti” geratzen da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Baxoa  |  Ipar Euskal Herria

Baxoa kanaletik interesatuko zaizu...
Azkenak
EGILEA
Eguneraketa berriak daude