Brebeta osorik euskaraz egin ahal izatea eskatuko dute Lartzabale, Ziburu eta Kanbon

  • Frantziako Hezkuntza Ministerioak aurten ere ez du onartu Ipar Euskal Herriko 193 ikaslek Brebetako zientzietako azterketa euskaraz egitea. Joan den urtean ere ez zuten utzi, eta ikasleek euskaraz egin zuten azterketa; irakasle erdaldunek zuzendu zituzten azterketa hauek, zenbaki eta ekuazioetan soilik oinarrituz.

Iņaut Gonzalez de Matauko Rada @inautogdm
2019ko uztailaren 02a
Brebeta euskaraz egitea aldarrikatzen duen jendea.

Hirugarrenez, brebetako zientzietako azterketa ezingo dute euskaraz egin bost eskola eta lizeotako 193 ikaslek, frantziar Hezkuntza Ministerioak ekidinda. 2017an hasi zen hizkuntza eskubideen aurkako eraso hau, Jean-Michel Blanquer hezkuntza ministroak azterketa hori frantsesez egitea nahi baitu.

Egoera honen aurrean, elkarretaratzeak deitu dituzte asteartean hiru eskoletan: Xalbador eskolan goizeko 11:15ean, Manex Erdozaintzi Etxart eskolaren parean 12:00etan eta Piarres Larzabal eskolan 12:45ean.

Euskaraz behar du izan

Ezezko hau hizkuntza eskubideen aurkakotzat jo dute, eta Seaskak gaineratu du ikasgaiak “ikasitako hizkuntzan” aztertzea eskubide bat dela. Joan den urtean antzekoa gertatu zela gogoratu dute: “Ministerioaren aginduz zientzietako gure 179 ikasleen kopiak bahituak izan ziren, ez zitzaten zuzentzaile euskaldunek zuzendu. Zuzenketa zifra eta grafikoetara mugatu zuten”.

Azken urteetan baxoa eta brebeta gutxinaka euskaratzen doaz, hori da joera. Datorren urtetik aurrera, adibidez, baxoaren zientzietako azterketa euskaraz egin ahal izango da. Joera horren aurka doa, beraz, brebetako zientzietako azterketa euskaraz ezin egin ahal izatea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hizkuntza eskubideak  |  Baxoa

Hizkuntza eskubideak kanaletik interesatuko zaizu...
Azkenak
EGILEA
Eguneraketa berriak daude