Baionako Cassin lizeoko ikasleen herenak uko egin dio baxoa berrituaren lehen proba egiteari
Orain arte lizeoko azken urtearen bukaeran egiten zuten ikasleek baxoaren proba, bi astean azterketa guztiak eginaz. Baina baxoaren erreformaren arabera, lizeoko azken bi urteetan egin beharko dituzte azterketak aurrerantzean. Beste aldaketa bat ere bada: orain ikastetxe barnekoak izango dira probak eta honek ikasleen artean aukera desberdintasunak sortuko dituela salatu dute sindikatuek. Aste honetan egin dituzte azterketa horietan lehenak. Hainbat ikaslek uko egin dio azterketari, eta zaindu behar zuten hainbat irakaslek greba egin dute.
Berrian azaldu du egoera Oihana Teyseyre Koskarat kazetariak. Jean Michel Blanquer Frantziako Hezkuntza ministroak baxoaren erreforma plantan ezarri zuen iaz. Erreformaren nahia omen da ikasleen presioa txikitzea, horretarako ebaluazio jarraiari garrantzia emanaz, eta azken bi urteetan azterketak eginaz.
Baina justu aurkako efektua lortu duela diote hainbat ikasle eta irakaslek: lehen hilabetez jasaten zuten presioa orain bi urtean jasango dutela. Baxoaren sistema berri honetan, lehen proba E3C deitzen da eta aste honetan egin dituzte bertako Historia, Geografia eta Hizkuntza ikasgaien azterketak.
Ikasle sindikatuek salatu dute orain arte estatu mailako proba zena, aurrerantzean ikastetxe barnekoa izango dela, eta ondorioz, "ikasleen arteko parekotasuna ez dela errespetatua".
Hainbat mobilizazio egin dituzte desadostasuna azaltzeko. Teyseyrek bilan hau egin du Berrian: Donibane Garaziko Nafarroa lizeoan irakasle multzo bat ikastetxe sarreran egon zen proba denboran. Baionako Cassin, Angeluko Cantau eta Miarritzeko Malraux lizeoetan, irakasleek eta ikasleek E3C azterketak oztopatu dituzte. Eta Cassin lizeoko ikasleen herenek ez zituzten E3C probak egin, eta ikastetxea partez blokeatzea lortu zuten. Probaren zaintza egin behar zuten berrogei irakasleek, aldiz, greba egin zuten.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Euskararen Erakunde Publikoa eta euskal parlamentari talde bat bildu da asteazken honetan Frantziako Hezkuntza Ministerioko bost ordezkarirekin, eta haiengan jarrera aldaketa ikusi dute. Han izan da, esaterako, Julie Benetti, Hezkuntza ministroaren aholkulari berezia.
Joan den maiatzaren 23an aztertu zuen auzitegiak auzia, eta astearte honetan ezagutu da ebazpena: euskaraz ikasten duten ikasleek jarraitu beharko dute Baxoa azterketa euskaraz egiteko aukerarik gabe.
Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.
Filosofiako proba euskaraz idaztea “izaera politiko eta aldarrikatzailea” duen ekintzatzat ikusi dute zuzentzaileek, azterketa frantsesez baino ezin baita egin. Ikasleetako bati, baina, etsamina zuzendu diote eta 20tik 12 puntu lortu ditu.
Brebeta azterketa euskaraz egiten dute Seaskako ikasleek, baina zientzietako froga euskaraz ez dakiten irakasle frantsesek zuzendu dituzte azken bi aldietan. Aurtengo azterketak euskaraz zuzenduak izan daitezela eskatu dute Seaskako irakasleek eta desobedientziaren bidean... [+]
Bigarren Hezkuntzaren amaieran egiten den baxoa azterketa bere horretan mantenduko du Frantziako Gobernuak. Ikasleak kontra agertu dira eta ebaluaketa jarraia egokiagoa dela defendatzen dute. Protestak izan dira Ipar Euskal Herriko hainbat lizeotan.
Hego Euskal Herrian selektibitatea mantentzea aurreikusten duten bitartean, Ipar Euskal Herriko ikasleek ez dute baxoa egin beharko. Unibertsitatera sartzeko proba egiteko baldintzarik ez dagoela adierazi du Frantziako Hezkuntza ministroak, eta ikasturtean zehar ikasleak duen... [+]
Frantziako Hezkuntza Ministerioak aurten ere ez du onartu Ipar Euskal Herriko 193 ikaslek Brebetako zientzietako azterketa euskaraz egitea. Joan den urtean ere ez zuten utzi, eta ikasleek euskaraz egin zuten azterketa; irakasle erdaldunek zuzendu zituzten azterketa hauek,... [+]
Seaskak, Etxepare Lizeoak eta Baxoa Euskaraz! Ikasle kolektiboak deituta, 12:00etan egingo da elkarretaratzea Baionako René Cassin lizeo aurrean.
Jean Michel Blanquer Frantziako Hezkuntza ministroak jakinarazi du baxoan eta lizeoan aldaketa nabarmenak egingo dituztela. 2021era arte jarri du epea aldaketak indarrean jartzeko.
Ipar Euskal Herriko ikasleek hasi dituzte baxoko azterketak. Oraindik, ordea, ez dute guztia euskaraz egiteko aukerarik, eta "Aitzina pausoa, euskaraz baxoa!" lelopean elkarretaratzea egin dute Angeluko Sainte-Anne lizeoaren aurrean lehen azterketa egunean, ekainaren... [+]