Batzorde bat osatu dute New Yorken herritar beltzek jasandako diskriminazioa erreparatzeko
Komisio berriak ikergai izango ditu etxebizitzaren eta espetxeratzearen arloko diskriminazioa eta diru-sarreren desberdinatasuna. AEBetako hirugarren estatua izango da horrelako batzorde bat sortu duena.
New Yorkeko gobernadore Kathy Hochulek batzorde bat sortzeko lege-proiektua sinatu du. Komisio horren helburua newyorktar beltzek jasandako diskriminazioa erreparatzea da, izan ere, esklabotza eta arrazakeriak utzitako ondarearen ondorioz, oraindik bereizkeria egiten jarraitzen dute gizarteko arlo askotan.
Besteak beste, etxebizitzaren, poliziaren zaintzaren eta espetxeratzearen arloko diskriminazioa eta diru-sarreren desberdintasuna ikertuko ditu batzordeak. Kontraldor Bulegoak aztertu duenez, herritar zurien ondarea beltzena baino hamabost aldiz handiagoa da.
New York izango da horrelako batzorde bat ezarriko duen hirugarren estatua AEBetan, Kalifornia eta Ilinois ondoren. Eskubide zibilen aldeko ekintzaile Al Sharptonek adierazi du batzordea eratuta “historia” egiten ari direla: “Ez dakit nora helduko den batzordea, baina badakit historia egin dela, batzorde bat dagoelako eta errekonozimendua dagoelako. Eta batzuetan, mina kendu ezin bada ere, asko irabazten dugu gauzak konpondu behar direla onartzean”. Batzordeak gomendioak egiteko aukera izango du, baina Estatua ez dago behartuta proposamenak betetzera.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.