Istilu arrazistak gertatu dira Martzillan, eta bizilagunek adingabeen zentroa ixtea eskatu dute
Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko". Nafarroako Gobernuak iragarri du zentroan bizi diren 23 adingabe beste zentro batera lekualdatuko dituela, eta herrian presentzia poliziala areagotuko duela.
Adingabeak hartzen dituen zentroaren aurkako protestak aspalditik izan badira ere, azken astean nabarmen handitu da tentsioa Martzillako herritarren artean, eta adingabe horien aurkako istilu arrazistak ere gertatu dira. Asteazkenetik ostegunera bitarteko gauean, zenbait bizilagunek oihu arrazistak egiten zituzten bitartean, hainbat herritar zentroan zeuden etorkinen aurka aulkiak edo harriak jaurtitzen hasi ziren. Istiluetan Núcleo Nacional talde neonaziko hainbat kidek parte hartu zuten, Espainiako banderak zeramatzatela eta aurpegia estalita zutela.
Ehunka bizilagun kalera irten ziren igande arratsaldean adingabe etorkinen zentroaren itxiera aldarrikatzeko. "Ez gara arrazistak, errealistak baizik" edota "herri seguru bat defendatzeko" leloak ikusi ahal izan ziren manifestarien artean. Mobilizazio amaierako hitzartzean, antolatzaileek adierazi zuten manifestazioan parte hartu zutenak ez zirela bildu "gorrotoagatik", baizik eta "segurtasunagatik eta justiziagatik": "Hemen gaude gure herria egoera jasanezin batera iritsi delako".
Nafarroako Gobernuaren neurriak: Polizia gehiago eta etorkin gutxiago
Egoeraren aurrean, Nafarroako Gobernuak prentsaurreko bat deitu zuen ostiralerako, eta bertan izan ziren Carmen Maeztu Gizarte Eskubideetako kontseilaria, Amparo López Barneko, Funtzio Publikoko eta Justiziako kontseilaria, Alicia Etxeberria Espainiako Gobernuaren Nafarroako ordezkaria eta Esther Villanueva Martzillako alkatea. Bada, prentsaurreko adierazi zuten "egoeraren larritasuna" dela eta salbuespeneko hainbat neurri hartuko dituztela: hain zuzen, Martzillako etorkin adingabeen zentroko 23 gazte beste zentro batera lekualdatzea.
Horrez gain, herrian presentzia polizia areagotuko dute. Prentsaurrekoan aipatu zutenez, Poliziak 24 orduko patruilak egingo ditu, eta "esku hartze taldeak" egongo dira arratsaldean eta gauean, dronekin batera.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]