Bilboko San Frantziskon ertzainek egindako eraso bat ikertzen ari da Segurtasun Saila
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
ARGIAn maiatzean eman genuen erasoaren berri. Ertzain batzuek eraso arrazista egin zuten; modu bortitzean jo zituzten bi pertsona San Frantzisko kaleko ile apaindegi batean. Egun Ertzaintza ikertzen ari da kasua.
Jon Hernándezek Sumarreko Eusko Legebiltzarreko kideak, Eusko Jaurlaritzako Segurtasun Sailari galdetu dio maiatzean gertatutako erasoaren inguruan. Erasoaren grabazioan "Ertzainek pertsona migratzaileekiko neurrigabeko jarduerak egiten dituztela" dio. Legebiltzarkideak kasu isolatua ez dela eta urteetan Poliziaren jarduera neurrigabeak eta bortitzak biderkatuz joan direla nabarmendu du.
Hernándezek galdetu du ea zer protokolo jarraitu zen erasoaren egunean eta zer neurri hartu diren polizia erasotzaileen kontra. Modu berean prebentzioa landu eta indarraren neurrizko erabileraren inguruan formakuntza hobetuko duten galdetu du legebiltzarkideak.
Sailburuaren erantzuna
Bingen Zupiriak, Segurtasun Saileko sailburuak ziurtatu du Ertzaintzaren Barne Arazoetako Sailak erasoaren berri jaso zuenean ikerketari hasiera eman ziotela. Hernándezek galdetutako prestakuntzari dagokionez, Zupiriak aitortu du Polizian sartzean zein mailaz igotzean formakuntza egokia jasotzen dutela agenteek.
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Erasoa ile apaindegi batean egin zuen Poliziak iragan astean, Bilboko Kontseilu Sozialistak salatu duenez. Ile apaindegiko kamera baten irudiak zabaldu dituzte.