Baserriko Uzta: Olatz Salvador, Eņaut Elorrieta eta Ruper Ordorika 2019ko uzta jasotzeko prest

  • 2017ko azaroan Anarik eman zion hasiera EHKolektiboak antolatutako 'Baserriko Uzta' zikloari Antzuolako Pikunieta baserrian eta 2019rako hiru kontzertu berri iragarri ditu nekazaritza agroekologikoa sustatzen duen elkarteak. Olatz Salvador, Eñaut Elorrieta eta Ruper Ordorikak kantatuko dute Araba, Zuberoa eta Gipuzkoako etxalde banatan.

ARGIA @argia
2019ko maiatzaren 21a
Ekimenaren antolatzaileak (Ezkerretik eskuinera): Miren Osa Galdona (Iametza), Leire Rodriguez Zubiaurre (EHKolektiboa), Amparo Perez Canseco eta Xabier Alonso Alonso (Beltzitina S.C.)

Baserriko Uztaren helburua herritarrek etxaldeak bertatik bertara ezagutzea da, baserritarren lanak eta produktuak nola lantzen diren ezagutuz. 2019ko edizioak hiru saio berezi eskainiko ditu: ekainaren 15ean Olatz Salvador ariko da Anuzitan (Araba), abuztuaren 31n Eñaut Elorrieta Pagolan (Zuberoa) eta azaroaren 9an Ruper Ordorika Eibarren (Gipuzkoa). Etxaldeko bisita, kontzertua eta bazkari agroekologikorako txartela 20 eurokoa da (gaztetxoak 12 euro). Izena emateko baserrikouzta@gmail.com helbidera idatzi behar da, tokia mugatua baita.

Etxaldeetako ateak parez-pare irekiz laborantza ekologikoa eta euskal musika bezalako bi bazterreko diziplina ezagutzera eman nahi ditu ekimenak. “Lan polita egin arren ez zeukala jendartean oihartzunikentzun izan dute EHKOko kideek, Josebe Blancok iaz aitortu zuenez, eta egoera irauli asmoz sortu zen Baserriko Uzta ekimen berritzailea: Hurbiletik, hurbiltasuna baitugu ardatzetako bat kolektiboan. Eta noski, formatuak elkar ezagutzeko eta solaserako tartea ematea espero dugu”. Ekimena EHKO, laborarien kolektiboak, iametza eta ARGIAk garatu dute elkarlanean.

Baserriko Uzta ekimena ez da baserrietan kontzertuak eskaintzera mugatuko. Hitzordua goizeko 10.30etarako jarriko da, etxaldea bisitatu eta nekazarien egunerokoa, ogibidea eta ekoizten dituzten elikagaiak gertutik ezagutzeko. Bisitaren ostean, musika emanaldia egingo da, izan ukuilu, ezkaratz edo etxalde bueltako pentzeren batean. Eta azkenik, bisitaldia borobiltzeko, bertaratutakoen arteko bazkaria egingo da, EHKO kideen baserrietako elikagaiekin, jakina. Hona aurtengo kartela:

 

Iazko zikloaren bideo laburpenak ikus daitezke jarraian:

2017ko udazkenean Antzuolako Pikunieta baserrian jo zuen Anarik:

2018ko udaberrian Rafa Rueda aritu zen Urduñako (Bizkaia) Santa Klara etxaldean:

Uztailean Mikel Urdangarinek abestu zuen Arbonan (Lapurdi) Jokin Zaldunbidek daukan baserrian:

Eta azaroan Oibarko Mendiko upategian Fermin Valenciak kantatu zuen:

 

Proiektuaren sorrera honela azaldu zuen Zuzeu-b Pikunieta baserriko eta EHKolektiboko kidea den Josebe Blancok:

.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Agroekologia

Agroekologia kanaletik interesatuko zaizu...
Azkenak
EGILEA
Eguneraketa berriak daude