Bartzelonara sartzea debekatuko diete ibilgailu kutsatzaileenei
Bartzelonako Udalak hirian zirkulatzea debekatuko die gehien kutsatzen duten ibilgailuei 2020. urtetik aurrera. Datorren urtean erabakiko da zein ibilgailu motari eragingo dien debekuak, Udaleko ekologia alkateorde Janet Sanzek adierazi duenez.
Udal ordezkariak azaldu du 2017 hasieran analisi bat egingo dela debekuaren nondik norakoak zehaztu eta zein ibilgailuri eragingo dien ikusteko. Bestalde, gehien kutsatzen duten ibilgailuek, 2017ko urte amaieratik aurrera, nitrogeno dioxido kontzentrazio handia dagoen uneetan ezingo dute jada hirian zirkulatu.
Udalak DGT Espainiako Trafikoko Zuzendaritza Nagusia indarrean jartzen ari den etiketatze sistema erabiliko du. Sistema horretatik kanpo geratzen diren ibilgailuak dira kutsakorrenak, ondorioz debekuak horiei eragingo lieke.
Bartzelonako Udalak herritarrek ibilgailu kutsakorrak uztea bultzatu nahi du, horretarako garraio publikorako eta Bicing-erako –Bartzelonan bizikletaz mugitzeko sare publikoa– abonamenduak sustatuz.
“Bartzelonako kutsadura estrukturala da eta gas emisioak era iraunkorrean murriztu beharra dago”, azaldu dute. Udalarentzat ez luke zentzurik izango ibilgailuei sarrera kutsadura maila altuenetara iristean bakarrik debekatzeak, egun Madrilen egiten den moduan. Bartzelonan maila horiek urtean hiru aldiz ematen dira gehienez.
Udalaren datuen arabera Bartzelonan 3.500 dira urtean kutsaduraren ondorioz gertatzen diren heriotzak.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]