Indarkeria matxista aurrekariak ditu Baionan atxiloturiko gizonak. Bikotekidea erailtzea leporatuta, preso segitzen du eta bihar pasako da epailearen aitzinetik.
Larunbatean Baionan gertatu feminizidioa salatzeko elkarretaratzea egingo dute ostegunean 18:30ean, Baionako Herriko Etxearen aitzinean. Iparraldeko mugimendu feministaren eta Euskal Herriko Mundu Martxaren izenean deitu du mobilizaziora Zutik! kolektiboak.
Hilketa matxista leporatuta, 52 urteko gizonezko bat atxilotu du Frantziako Poliziak Baionan. Hain zuzen, hilda aurkituriko bikotekidearen gorpuak indarkeria zentzuak zituen, ubeldura ugari antzeman zizkioten. Atxilotuak poliziari deitu zion larunbatean, emaztea hilik atzeman zuela abisatzeko. Fiskaltzak emakumeari autopsia egitea eskatu du, heriotzaren arrazoien gainean jakiteko. Gizonezkoa atxilotuta dago Baionako kartzelan, eta bihar pasako da epailearen aitzinetik. Indarkeria matxista aurrekariak ditu, Marc Mariee prokuradoreak jakitera eman duenez.
Aurten Euskal Herrian gertatu laugarren erailketa matxista da, hauetarik hiru Lapurdin gertatu direlarik.
Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.