Baina nor da Yaku Pérez, Ekuadorreko lider indigenista?

  • Ekuadorren igande honetan egindako hauteskundeetako emaitzak ezagututa, bigarren itzulia egin beharko da, inork ez baitu lehen itzulian lehendakaritza bereganatzeko adina boto lortu.


2021eko otsailaren 08an - 13:29
Prefeta izan aurretik bost aldiz atxilotua izan zen Yaku Pérez.

Rafael Correa lehendakari ohiaren hautagaitzat jo den Andrés Arauzek irabazi ditu hauteskundeak, oraingoz botoen %32,31 bilduta. Bigarrena Yaku Pérez indigenista geratu da botoen %19,92 jasota; hirugarrena, zentro eskuineko Gillermo Lasso, %19,22arekin; eta laugarrena Xavier Hervás ezkerreko hautagaia. Datuak halakoxeak ziren kontaketa %82an zegoenean.

Ez da ezustekorik izan Arauzekin, baina bai Pérez indigenistarekin eta Hervás ezkerreko hautagaiarekin. Inkesten arabera, bigarrena Lasso izango zen eta Hervás botoen %5aren inguruan bilduta gelditzekoa zen. Orain ikusi beharko da nor doan bigarren itzulira, Arauzekin lehiatzera, edo Pérez edo Lasso, bien aldeko boto kopurua txikia da eta kontaketaren amaierak eman baitezake oraindik ezustekorik.

Yaku Pérez buruzagi indigenista

Yaku Pérez Guartambel abokatua, irakaslea, idazlea eta agintaria ere bada, azken urteetan Ekuadorreko Azuay departamenduko prefeta aritu da. Lehen aldia izan zen indigena bat kargu honetarako hautatua izan zela eta haren programaren puntu nagusia uraren defentsa izan zen. Bera izan da hauteskunde hauetako sorpresarik handiena atzerrian, seguruenik Ekuadorren ez horrenbeste, batez ere ikusita Pérezek azken urteetan izan duen ibilbidea.

Larrun-eko 247 zenbakian Ekuadorri buruzko monografikoa landu genuen eta bertan atera zen Yaku Pérezekin egindako elkarrizketa, Ekuadorren bertan Juan Gorostidik egindakoa. Halaxe aurkeztu zigun Gorostidik:

“1972an sorturiko ECUARUNARIko (Ekuadorreko Kitxua Herrien Konfederazioa) buruzagia izan zen 2013tik hona. Erakunde hori CONAIEko parte da, Ekuadorren joan den urrian gertaturiko mobilizazioen bultzatzaile nagusi bilakatu dena, estatuko aginte nagusiak negoziaketa publiko batera bultzatu eta Nazioarteko Diru Funtsaren aginduz gobernuak onarturiko dekretua deuseztatzera eraman duena. Elkarrizketa hau joan den abuztuan egin zen, Yakuk lau hilabete karguan zeramatzala. Bere soldata erdira murrizteaz gain, asteko bi egun osorik erabiltzen ditu elkarrizketa eskatzen dion edozein talderekin hitz egiteko. Ez dut langarik topatu egun horietako batean ni ere errezibitu nazan”.

Lurrarekiko eta ingurumenarekiko erakutsi duen begirunea dela eta nabarmendu da eta elkarrizketa horretan argia da gaiarekiko: “Gurea ez da gutxiengo baten eskubideen aldeko borroka hutsa. “Indigenez” ari direnak maiz jausten dira ikuspuntu arrazista eta kolonialistan. Larrialdi orokor baten aurreko erantzun sustraitua da guk lantzen duguna".

 

 

 

Juan Gorostidi eta Yaku Pérez elkarrizketaren une batean.

 

 

 

 

 


Kanal honetatik interesatuko zaizu: Ekuador
Yuliana Ortiz Ruano. Fabulazio kritikoa
"Emakumeei eta diferentziei ez digute balio kontakizun heroikoek"

Elkarrizketen meritua, batzuetan, elkarrizketatuarena da oso-osorik. Yuliana Ortiz Ruano idazleak, hari-mutur bati heldu, eta bere argitasuna hedatzen dizu aurrean, opari baten moduan. Fiebre de carnaval [Inauteri-sukarra] eleberria aurkeztu du orain dela gutxi Bilbon, Ecuador... [+]


Luisa Gonzalez izan da bozkatuena Ekuadorren, gatazka nagusitu den hauteskundeetako lehen itzulian

Abuztuaren 20an izan da hauteskundeen lehen itzulia Ekuadorren, eta bigarrena urriaren 15ean izango da. Bozken %33,13 lortuta nagusitu da Luisa Gonzalez, eta bigarrena, berriz, Daniel Noboa izan da bozken %23,94rekin. Hauteskundeetarako astebete falta zela hil zuten Fernando... [+]


2023-08-17 | Ilargi Manzanares
Ekuadorko Yasuní erreserba defendatzeko karabana antolatu dute indigenek eta ekologistek

Ekuadorko hainbat probintzietan barrena ibiliko da karabana abuztuaren 20ra arte, Yasuní biosferako erreserba aberatsean petrolio ustiaketa proiektuaren aurka egiteko. Egun horretan herri-galdeketa egingo dute, eta esplotazioaren aurkako bozkak lortu nahi dituzte... [+]


2023-07-26 | ARGIA
31 preso hil dira Ekuadorko espetxe bateko liskarretan

Pasa den larunbatean (hilak 22) hasi ziren presoen arteko borrokak Ekuadorko Guayaquil hiriko Litoral espetxean. Iturri ofizialek jakinarazi dute 31 preso hil direla, eta hamahiru zauritu –baita polizia bat ere–. Poliziak eta Armadak "kontrola" berreskuratu... [+]


Anaís Córdoba-Páez. Irudiak, borroka, plazera
"Dolua kolektibizatzen baduzu, alaitasuna ere kolektibizatu behar duzu"

Lagun baten laguna zelako ezagutu nuen Anaís Córdova-Páez, eta sorpresen kaxa bat dela ohartu naiz pixkana-pixkana. Banekien bideoak egiten zituela, eta proiekzio- eta musika-jartzaile gisa deskubritu nuen gero, gau oso batez dantza eginarazi baitzigun... [+]


Eguneraketa berriak daude