ARGIA.eus

Itzulpen automatikoa / Machine translation

Aurkezpena ikusteko eta bonolaguntza eta errifa oso bereziak eskuratzeko aukera Durangoko Azokan

  • Amillubi proiektua martxan jartzen ari da laborantza ekologikoaren aldeko Biolur elkartea, 27 eragileren laguntzarekin. Urola ibaiaren meandroan kokatuta dauden 90.000 metro koadro lur eta baserria modu kolektiboan erostea da helburua, laborari agroekologikoei baldintza onetan uzteko eta herritarrek bertatik elikagaiak eskuratzeko. Abenduaren 8an Durangoko Azokan izango da aurkezpena eta azokak irauten duen egunetan Amillubiri ekarpen ekonomikoa egiteko bonolaguntzak eskuratzeko aukera egongo da, baita errifa oso bereziak ere, Durangoko eliz atarian jarriko duten postuan.

Argazkia: Dani Blanco/ARGIA-CC_BY_SA

2023ko abenduaren 05an - 10:30

Amillubi Taupaka proiektua abenduaren 1ean aurkeztu zuten lehen aldiz, Azpeitin (hemen irakurgai Uztarriak egindako kronika). ARGIAk aste honetan kaleratuko du Amillubiri buruzko erreportaje berezia.

Abenduaren 8an, ostiralarekin, herritarrek beste aukera bat izango dute Amillubi proiektuari buruzko xehetasunak ezagutzeko: Durangoko Azokan izango da, 15:30ean Talaia gunean.

Elikadura burujabetzaren estrategia praktikan lantzen joateko helburua duen proiektu honek 390.000 euro bildu behar ditu datozen bi urteetan, diru horrekin Zestoako udalerriaren Iraeta auzoan kokatuta dauden lurrak eta baserria erosteko eta baserriaren konponketa lanak egiteko (udal toponimiaren arabera, "Amilibia" da eremu hori). Dagoeneko diru ekarpena egin daiteke Coop57-rekin martxan jarri duten diru-bilketa kanpainan.

Ione Larrago ilustratzaileak sortu du Amillubi proiektuko iruditegia eta bonolaguntzekin eskuratu ahalko diren koadernoek ilustrazio hau daramate azalean. Platerek, aldiz, koloretako hostoak.
Durangoko azokan bonolaguntzak eta errifa oso bitxiak eskuratzeko aukera

Durangoko azokan aukera egongo da Amillubiren bonolaguntzaren truke opari hauek eskuratzeko. Guztiek dituzte Ione Larragok Amillubi proiekturako garatutako ilustrazioak: orri-markatzailea (10 euroko bonolaguntzarekin), koadernoa (50 euroko bonolaguntzarekin) eta platera (100 euroko bonolaguntzarekin).

Amillubi sustatzeko errifak ere atera dituzte, eta oso sari bitxia izango dute. Hiru sari banatuko dira, bakoitza bost lagunentzako izango dena, eta hauxe da hamabost pertsona horiek gozatuko dutena: "Bazkaria Itziarko Txindurri Iturri sagardotegian + Lurrarekin konexio saio bat Enekoach-ekin Amillubin". Antton Telleriaren umorezko bakarrizketa, alegia.


Kanal honetatik interesatuko zaizu: Agroekologia
2024-02-19 | ARGIA
Laborantzaren trantsizio agroekologikoa bultzatzeko eskatu die erakundeei Egurra ta Kandelak

Otsailaren 16 eguerdian protesta egin dute laborari agroekologikoek Gipuzkoako Foru Aldundiaren aurrean. Azken asteetan traktoreek egin dituzten mobilizazioetatik bereizi dira: "Nekazaritza eredu neoliberalak bere mugen kontra egin du talka; eta nekazari-patronala eta bere... [+]


2024-02-05 | Garazi Zabaleta
Soronea
“Barazkiak prezio duinean saltzeko bidea dendan topatu zuen osabak”

Miriam eta Igone Saldias ahizpek baserriari eta familiako proiektuari eusteko apustua egin dute. Berrobiko Soronea baserrian barazkiak ekoizten dituzte eredu ekologikoan, eta Tolosako Soronea dendan saltzen, modu zuzenean.


Euskal ospitaletan elikadura sistema iraunkorrak garatzeko txinpartaren bila

Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]


2024-01-11 | Estitxu Eizagirre
Aitor Aranburu
"Elikagai sistema kontrolatzen duten enpresa berak dira haragi artifiziala lantzen ari direnak"

Egonarria, lurrari entzuten dion saioak bigarren denboraldia abiatu du, hainbat aldaketarekin. Eli Pagolak eta Mattin Jauregik jarraituko dute saioa aurkezten, baina bakoitzak hasi eta buka bere saioa izango du: Eli Pagolak ARGIAko platoan gaurkotasunezko gai bati buruzko... [+]


Analisia
Agroekologia, alternatiba politiko bat

Gabonei buruz gaizki esaka behar baino gehiago jan eta edan, hondamendira garamatzan kontsumismoaren parte garela onartu eta gurutze hori eramangarria egiteko bidea aurkitu, etzidamu egunerokora itzuli arte. Askok egingo dugu hori, eta ez dut uste indibidualki eta etxean... [+]


Eguneraketa berriak daude