Atxondoko eskolako jantokian astebeteko plantoa egingo diote catering zerbitzuari

  • Berton Bertokoa elkarteak ekintza ugari prestatu ditu datorren asterako.


2018ko maiatzaren 23an - 09:55

Bertako eta sasoiko produktuen dastaketak egingo dituzte hainbat eskolatan. Maiztegin maiatzaren 24an, 16:30tik aurrera, bertoko ekoizleen produktuen dastaketa egingo dute, Zabalarran eta Abadiñoko eskoletan maiatzaren 29an bertoko produktuekin egindako meriendak eskainiko dituzte eta Zaldibarren ere datorren astean bertoko produktuekin meriendak eskainiko dituzte.

Nabarmentzekoa da Atxondon astebeteko plantoa egingo diotela catering zerbitzuari. Horren ordez, gurasoak izango dira sukaldari. 50 ikasle inguru dira eskolan, eta gurasoak badabiltza taldeka antolatzen eguneroko menuak bertako eta sasoiko produktuekin osatzeko. Gainera, berbaldiak eta bisitak ere edukiko dituzte. Esaterako, maiatzaren 25ean, 17:00etan, Jakoba Errekondok berbaldia emango du.

Bestalde, Berton Bertokoako kideak legebiltzarrean egon ziren joan zen astean, jantoki ereduen inguruko batzorde berezian. Ikastetxeek erabaki ahal izateko legea aldatzea eskatu zuten, eta sukalderik ez dagoen lekuetan sukaldea ipintzea.

 

Albiste hau Anbotok argitaratu du eta CC-by-sa lizentziari esker ekarri dugu ARGIAra.

Kanal honetatik interesatuko zaizu: Elikadura burujabetza
2024-05-06 | Jakoba Errekondo
Intsusa lore edariak

Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.


2024-04-25 | Estitxu Eizagirre
"Lurra taupaka" festara deitu du Amillubi proiektuak, maiatzaren 11n

Laborantza lur emankorrak ondasun kolektibo bilakatu nahi ditu Amillubi proiektuak. Horretarako herritarren eta hainbat kolektibo eta erakunderen ekarpenak biltzen ari da eta maiatzaren 11rako egun osoko festa antolatu du Amillubin bertan, egitasmoari bultzada emateko.


2024-04-25 | Estitxu Eizagirre
Marta Barba Gassó:
"Tomate hidroponikoa lur faltagatik jarri da eta lur falta monolaborantzaren ondorio da"

Tomateaz tesia egina du Marta Barba-k eta Egonarria saioan Eli Pagolarekin elkarrizketan azaldu du zer den hidroponia teknika. Bere hitzetan, gakoa da aztertzea "noiz eta zergatik" sartu zen hidroponia Euskal Herrian: "Lur arazoak daudelako. Eta lur arazoak daude... [+]


2024-04-22 | Garazi Zabaleta
Txaramela
Pasta ekologikoa, ortuko barazki eta espezieekin egina

Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]


2024-04-14 | Garazi Zabaleta
Jakiak ehuntzen
Zangoza inguruan tokiko elikadura sistema eraikitzen

Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]


Eguneraketa berriak daude