Gose greba iragarri dute 1.014 preso palestinarrek atxiloketa administratiboa amaitzeko
Palestinako Presoen Batzordeak “proiektu nazional bat” jarriko du martxan, atxiloketa administratiboaren erregimena amaitzeko asmoz. Egoera horretan dauden preso guztiek gose greba mugagabea iragarri dute, guztira 1.014 presok.
Atxiloketa administratiboaren erregimena amaitzeko “proiektu nazional bat” jarriko du martxan Palestinako Presoen Batzordeak, eta egoera horretan dauden preso guztiek (1.014) gose greba mugagabea iragarri dute ekainaren 18tik aurrera. Bide batez, Berria egunkariak argitaratutakoaren arabera, Israelek nazioarteko zuzenbide humanitarioa errespetatzea dezan ere aldarrikatuko dute.
Aipatu erregimena, epaiketarik gabeko atxiloketa da. Urteak egon daitezke preso beren aurkako kargurik aurkeztu gabe. Horren ondorioz, agintariek "terroristatzat" jo dezaketen edonor izan daiteke espetxeratua. Duela hilabete, adibidez, espetxealdi administratiboan urteak zeukaten preso politiko bat gose greban hil zen, protesta ugari eraginez, berriro ere, erregimen honen aurka.
Bestalde, presoek haien alde lerratzea eta presioa eragin dezaketen bide diplomatiko guztiak erabiltzea eskatu diote Palestinako Aginte Nazionalari. Addemeer Palestinako presoen eskubideen aldeko elkartearen esanetan, 4.900 preso daude Israelgo kartzeletan, 155 adingabe eta 32 emakume.
Alderdiek, erresistentziak, erakundeek eta gizarteak haien kausa babestera dei egin ditu Presoen Batzordeak, eta ezinbestekoa dela uste du segurtasun sare bat eratuz “okupazioari aurre egitea”. Gainera, atzerrian bizi diren palestinarrei ere protestan parte hartzeko deia luzatu die.
Israeldar soldaduen gehiegikeria
3 urteko ume palestinar bat hil dute israeldar soldaduek, ostiralean, ekainaren 2an, tirokatu ostean. Nabi Saleh herrian gertatu zen, okupatutako Cisjordanian. 2023. urtean 122 palestinar hil ditu israelgo armadak Cisjordanian, horietatik 21 adingabeak.
“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.
Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.