Ateak ireki ditu berriz ere Judimendiko joko aretoak
Bi urtetako borroka ostean, Judimendik Joko Aretoari Ez dinamikak irailan iragarri zuen auzoko joko aretoak bere ateak itxi zituela. Bi hilabete baino gehiago itxita egon ondoren, aretoa ireki dute berriz ere.
Iraila amaieran egin zuen Judimendik Joko Aretoari Ez dinamikak agerraldia: auzko joko aretoak duela bi hilabete itxi zituen ateak. Azaldu zutenaren arabera, aretoko jabeak taberna nork kudeatu topatu ezinik zebilen.
Dinamikako kideei ere eskatu zien bilera bat, auzoarengan egindako kontzientziazio lanaren jakitun, akordio batera iristeko nahiarekin. Dinamikako kideek bilerarako gonbita errefuxatu zuten: "Argi utzi nahi dugu Judimendik Joko Aretoari Ez-eko kideok ez dugula inolako akordiorik egingo jokoa iturri ekonomiko gisa baliatzen duten enpresariekin". Pozik agertu ziren bi urtetan zehar egindako lanak bere fruituak eman zituelako, baina joko aretoa berriz irekitzeko aukera ez zuten baztertzen. Hala ere, Hala Bediri egindako adierazpenetan, dinamikako kideek auzo osoa joko aretoaren kontra jartzea lortu izana jarri dute balioan.
"Guk gure lana egin dugu, auzoa joko aretoaren aurka dago"
Irakurri hemen Judimendik Joko Aretoari Ez dinamikari egindako elkarrizketa; bi urtetako borrokaren errepasoa eta joko aretoa ixtea lortu izanaren garaipenaz hasunarketa, sakonean.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.