Astelehenean egingo du lehen bilera mugimendu feministak sortutako krisi mahaiak

  • Hogei eragile sozial, politiko eta sindikal batu dira zaintza krisiaren aurrean mugimendu feministak sortu duen mahaira. Astelehenean egingo dute lehen bilera birtuala.

Argazkia: Ecuador Etxea

2020ko martxoaren 21an - 19:22

Koronabirusak eragindako zaintzen kolapsoaren aurrean bere erantzukizunen kargu egin da mugimendu feminista, eta mahai teknikoa sortu du zaintza krisiaren aurrean esku hartzeko. Astelehenean eman zuten mahaia sortzeko asmoaren berri mugimendu feministako bozeramaile Silvia Rugamasek eta Josebe Iturriozek, eta astebeteko epean ekimena martxan jartzea lortu dute. Larunbatean jakinarazi dutenez, martxoaren 23ko astelehenean egingo du mahaiak lehen bilera, internet bidez. Lehen hitzordurako zeregina argi dute: mahaiaren helburuak, metodologia eta kronograma xedatzea.

Mahaia sortuko zutela abisatzearekin batera, mugimendu feministak bertan parte hartzeko deia egin zien EAEko eta Nafarroako Gobernuei, Ipar Euskal Herriko Elkargoari, sindikatuei eta alderdi politikoei. Behin interpelazioak eginda, 48 orduko epea eman zien erantzuteko. Epe tarte hori bukatua den honetan, jakinarazi dute ez dutela erantzunik jaso Eusko Jaurlaritzaren eta Nafarroako Gobernuaren partetik. Alabaina, beste eremu batzuetatik babes zabala jaso du ekimenak: hogei eragile sozial, politiko eta sindikal batu dira mahaira.

Parte hartzaileak

Mahaia eremu ezberdinetako talde eta norbanakoek eratuko dute. Bertan egongo dira ELA, CNT, LAB eta Steilas sindikatuetako ordezkariak. Alderdi politikoei dagokienez, EH Bilduko legebiltzarkide ohi Oihana Etxebarrieta, Elkarrekin-Podemoseko lehendakarigai Miren Gorrotxategi eta Equoko Erika Martinez eseriko dira mahai bueltan. Gainontzeko alderdiek ez diote gonbidapenari erantzun.

Horiez gain, feminismoan adituak diren aholkulari gisa arituko dira Monika Plazaola eta Ana Gonzalez; beraiekin batera parte hartuko dute mahaian Etxebarrieta eta Gorrotxategi alderdikideek.

Eragile sindikal eta politikoez harago, “berebiziko garrantzia” daukaten eragileak ere eseriko dira mahaian. Eragile horiek ondokoak dira: Batera zaintza sare herritara, Etxekotu gabeko emakume langileak, feminista magrebtarren Ahizpatasuna elkartea eta Amuge, emakume ijitoen elkartea. Eremu anitzetako parte hartzaileak izateak ahalbidetuko dio mahaiari errealitate askotarikoak ezagutzea eta “jendarte osora iritsiko diren neurri askoz ere intersekzionalagoak planteatzea”.

Hainbat adituren izenak ere betetzen dute mahaiko parte hartzaileen zerrenda: Amaia Perez Orozco ekonomilaria, Mati Iturralde lehen arretako medikua, Bea Ilardia indarkeria matxistan berezitutako abokatua eta Jule Goikoetxea politikan aditua.

Mugimendu feministaren ordezkari gisa arituko dira Naia Torrealdai eta Josebe Iturrioz, eta koordinazio teknikoaz Zuriñe Rodriguez ikertzailea arituko da.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude