Aste Nagusian “gutxienez” zortzi eraso eman direla adierazi dute Bilboko Konpartsek
Erregistratutako eraso sexisten salaketak lau izan arren, beste horrenbeste eman direla jakinarazi dute. Salatzen ez diren erasoak kontuan hartuta, kopuruak askoz handiagoa behar duela izan azpimarratu dute.
Astelehenean emandako prentsaurrekoan, jaietan jasotako erasoen aurrean egindako irakurketetan azpimarratutakoa berriz nabarmendu dute Bilboko Konpartsek: salatutako erasoez gain, beste hainbat eraso ematen direla. Iñigo Fernandez de Martikorena bozeramailearen hitzetan, “ez poliziari, ez familiari, ez konpartsei helarazten ez zaizkien beste (eraso) asko ematen direla kontuan izan behar dugu, beraz ezagutzen ditugunak baino askoz gehiago direla pentsatu behar dugu beti”.
Euren esku-hartze protokoloa erasoa jasan duen pertsonarekin eta testigu posibleekin kontaktatzen ahalegindu eta heldu zaien informazioa ziurtatzean oinarritzen dela azaldu dute Konpartsek. Eraso duten norbanakoarekin egotea daukate finkatuta lehentasun moduan, erasoaren aurrean “egin nahi duena alde batera”. “Emakumea libre da nahi badu salatzeko, edo ez salatzeko, eta bide horretan beti erakutsiko diogu gure babesik beroena”, adierazi du Fernandez de Martikorenak.
Eraso matxista gehiago azken egunetan
Bilboko Aste Nagusian jasotako erasoez aparte, gehiago ere erregistratu dira azken egunotan. Gasteizen, asteburuan zehar, bikotekidea jotzeagatik 35 urteko bi gizonezko atxilotu ditu Udaltzaingoak. Datozen orduetan utziko dituzte epailearen esku erasotzaile biak.
Aranbizkarrako auzoan atxilotu zuten bata, ostiralean. Erasotako emakumeak jarri zuen salaketa komisaldegian, etxean zeudela bikotekideak jo, mehatxatu eta lurrean arrastaka eraman zuela azalduz. Emakumea ospitalera eraman eta erasotzailea etxean atxilotu zuten.
Bigarren erasoa igande goizean jazo zen. Udaltzaingoak dei bat jaso zuen kalean ematen ari zen “eztabaida gogor bat” salatuz. Deiak zehaztutakoaren arabera, gizonezko batek emakumezko bat arrastaka eraman zuen taberna baten barrualderaino. Polizia agenteak bertaratu eta gizonezkoa atxilotu zuten. Emakumeak zauriak zituen besoetan, belaunetan eta aurpegian.
Bestetik, Nafarroako Foruzaingoak 20 urteko gizonezko bat atxilotu du Iruñerrian, kiroldegi bateko aldageletan emakumezko bat mugikorraz grabatzearren. Emakumeak, gertatutakoaz ohartzean, laguntza eske garrasi egin zuen eta bigarren emakumezko bat gerturatu zen. Bien artean erasotzailea atxiki zuten, eta kiroldegiko langileek identifikatu zuten. Erasotako emakumeak salaketa jarri zuen. Foruzaingoak segurtasun sistemak gordetako irudiak errepasatu eta testigu zein erasotzailearen adierazpenak jaso ostean, gizonezkoa atxilotu eta Iruñeko 4. Instrukzio-epaitegiaren esku utzi dute.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana