Azken 48 ordutan hamazazpi langile berrogeialdian sartu dituzte sintomengatik, eta 28 dira guztira. Enpresa batzordeak produkzioa erabat etetea eskatu du, baina zuzendaritzak ez du onartu. Armagintza arloko enpresarik garrantzitsuenetakoa da ITP.
ITP Aero Castingseko enpresa batzordeak Sestao eta Barakaldoko lantegien egoera salatu du. Langile bat Basurton ospitaleratua dago koronabirusak jota. Beste 28 langile berrogeialdian daude gaitzarekin loturiko sintomak dituztelako, eta horietariko hamazazpi azken 48 orduetan sartu dira berrogeialdian. Horrez gain, bajan daude hainbat langile sintomen ondorioz. Beste batzuek lan murrizketak eskatu dituzte, edo opor egunak hartu dituzte.
Batzordeak zuzendaritzaren erabakia salatu du: “Uste dugu erabaki hau akatsa dela. Covid-19aren hedapen masiboari laguntzen dio”. Langileek “gabeziak eta ekarpenak” jaso eta zuzendaritzari helarazi dizkiote hartze agiri baten bidez: “Ez ditugu neurri legalak baztertzen etorkizunean”.
Espainiako Gobernuak eta Eusko Jaurlaritzak sorturiko armagintza enpresa
Euskal Herrian, Zamudion, Barakaldon eta Sestaon ditu lantegiak ITPk. Lantegi nagusia Madrilen du. 1989an sortu zen enpresa, Espainiako Gobernuak eta Eusko Jaurlaritzak politikoki eta diruz bultzatuta. Helburua Espainiako Estatuko enpresa batek Eurofighter Typpoon ehiza-hegazkin berriaren produkzioan parte hartzea zen. Urte luzez parte hartu du Europa mailako armagintza proiektu horretan eta beste batzuetan. Eusko Jaurlaritzak enpresan zuen jabetza zatia saldu zuen ondoren. Hegazkinaren modelo berriago bat ekoizteko asmoa dago orain, eta ITPk bertan parte hatuko duela aurreikusten da. ITPren jabea Rolls-Royce enpresa britaniarra da, mundu mailako armagintza enpresa garrantzitsuenetarikoa.
🚨🚨🚨 Hau oso larria da!
🆘 Irakurri eta zabaldu!
ITP AERO CASTINGS.
Zuek ere erantzule zarete: @arantxa_tapia @fvem_es @Cebek_ @iurkullu @Irekia #bizitzaerdigunean #bizitzavskapitala pic.twitter.com/PhCFWwbthO
— LAB INDUSTRIA (@LAB_INDUSTRIA) March 25, 2020
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.