ARGIA.eus

Bultza kazetaritza independentea

Arkautik B2 euskara mailarik gabeko udaltzain hautagaiak hartu beharko ditu

  • UGT sindikatuaren helegitea onartu eta epaia berretsi du Gasteizko Administrazio Auzitegiak: udaltzainek ez dute gutxieneko euskara mailarik egiaztatu beharko. Bi hilabete eman dizkio auzitegiak Arkautiko Polizia akademiari lan poltsatik kanpo gelditu zirenak berriro onartzeko.

ARGIA
@argia

2023ko urtarrilaren 25a - 08:00
Azken eguneraketa:06:56
Gasteizko Administrazio Auzitegiak ebatzi du udaltzainek ez dutela B2 euskara mailarik egiaztatu beharko. / Argazkia: Oiartzungo Udala

UGT sindikatuak helegitea jarri zion 2021eko Arkautiko polizien akademiaren lan poltsari, euskarazko B2 maila exijitzen zuelako eta horrek "diskriminazioa eragiten" duelako. Gasteizko Administrazio Auzitegiak arrazoia eman zion irailean, eta orain eman du epai irmoa: udaltzainek ez dute euskarazko gutxiengo mailarik egiaztatu beharko.

Bi hilabete eman dizkio auzitegiak Arkautiko akademiari berriz ere onartzeko hizkuntza eskakizunagatik 2021eko lan poltsatik kanpo gelditu zirenak. Erabakia irailean hartu zuen epaitegiak, eta bitarte horretan administrazioak ez du helegiterik jarri. Epailea Ana María Martínez da, Laudioko Udala behartu zuena hizkuntza eskakizunak betetzen ez zituen funtzionario bat berriz ere kontratatzera. Euskara "munduko hizkuntzarik zailenen artean" dagoela argudiatu zuen orduan.

CCOO sindikatuak ere jarri zion helegitea Arkautiko lan poltsari, eta euskara mailaren baldintza kentzeko eskatu. UGTko kide den Jose Luis Ahedok adierazi du "ez duela zentzurik gaztelaniadun herrietan lan egiten amaituko duten hautagaiak kanpoan uztea euskara maila altua egiaztatu ez dutelako". 

Epaitegien erasoentzako protokoloa, Kontseiluak

Epai irmoa jakinarazi den egunean bertan, hilak 24, Euskalgintzaren Kontseiluak iazko balorazioa egin du eta 2023rako bide orria aurkeztu. Epaitegiek hizkuntza-eskubideen aurka emandako ebazpenei aurre egiteko protokoloa prestatzen ari dela aurreratu du. 


Euskara lan munduan kanaletik interesatuko zaizu...
2023-01-05 | Lide Iraola
Euskara bermatzea "justizia sozial" kontua dela aldarrikatu du Behatokiak Barakaldoko epaiaren harira

Hizkuntza-Eskubideen Behatokiak salatu du zerbitzu publikoak euskaraz jaso ahal izatea oinarrizko eskubide kolektiboa dela, eta larritzat jo du EAEko Auzitegi Nagusiak galarazi izana Barakaldoko Udalak zerbitzu publikoetako euskara eskatzea. Bestalde, Barakaldoko Sasiburu... [+]


2023-01-03 | ARGIA
Barakaldoko Udalak ez dio helegiterik jarriko azpikontraten euskara eskakizunen epaiari

Helegitea jartzea eskatu dio Euskalgintzaren Kontseiluak, epaia udal legediaren aurka doala iritzita.


Zerbitzu publikoko langile azpikontratatuek ez dute euskaraz jakin behar Euskadiko Auzitegi Nagusiaren arabera

Barakaldoko Udalak azpikontratatu egiten du Gizarte Etxetako zerbitzua, eta 2021ean, 26 langileri eskatu zien euskarazko B2 edo C1 mailaren ezagutza. Vocento taldeak jakinarazi duenez, CCOO sindikatuak helegitea jarri zuen udalaren aurka, eta orain heldu da Euskadiko Auzitegi... [+]


2022-10-07 | Jon Torner Zabala
EMUN kooperatibak 25 urte
Zalantzak iraultzen dituzten txinpartak

25. urteurrenaren bueltan antolatutako egitaraua borobiltzeko, lan mundua euskalduntzeko helburuarekin sortu zen Emun kooperatibak topaketa eta urteurreneko ekitaldia egin ditu ostegunean Arrasaten, Zalantzari leiho bat lelopean. Kooperatibak bizi duen eraldaketa prozesua... [+]


Eguneraketa berriak daude