ARGIA.eus

2022ko urriaren 05a

Elkarretaratzea eginen dute Laudion, hizkuntza eskakizunei buruzko epaia salatzeko

  • Euskalgintzaren Kontseiluak eta Aiaraldeko Euskalgintzaren Kontseiluak deitu dute elkarretaratzera, administrazioko hizkuntza eskakizunen afera batean Laudioko Udalak jasotako kontrako epaia salatzeko. Oroit gara bitarteko funtzionario batek udaleko lanpostua galdu zuela 2020an, hirugarren hizkuntza eskakizuna behar zelako eta 2014an hasi zenetik soilik lehena lortu zuelako; epaile batek, ordea, ebatzi du berriz hartu beharko dutela langilea, ez delako euskararen zailtasun maila kontuan hartu.

ARGIA @argia
2022ko otsailaren 03a

Laudioko Udalak "diskriminatu" zuen bitarteko funtzionarioa eta ez zuen kontuan hartu euskararen zailtasun maila –"munduko hizkuntzarik zailenen zerrendan bosgarrena"–. Epaiak eragindako haserrea plazaratuko dute larunbatean herriko plazan. "Eragile sozial eta politiko guztiei" bertan parte hartzeko eskatu diete Kontseiluak eta Aiaraldeko Euskalgintzaren Kontseiluak.

Oroit gara bitarteko funtzionario batek udaleko lanpostua galdu zuela 2020an, hirugarren hizkuntza eskakizuna behar zelako eta 2014an hasi zenetik soilik lehena lortu zuelako. Laudioko Udalak helegitea jarriko dio epaiari.

Auzitegien "oldarraldia"

Hizkuntza politikan 2021ean gertatutakoari buruzko irakurketa aurkeztu zuen otsailaren 2an Euskalgintzaren Kontseiluak Bilbon. "Botere judizialaren oldarraldiak" salatzeko unea izan zen, adibideen artean Frantziako Konstituzio Kontseiluak Molac legea edukiz hustu izana gogoraraziz. Halakoen aitzinean, "batasunez" erantzutera eta "hizkuntza politikak blindatzera" deitu du Paul Bilbaok.

Erasoak, baina parean erantzuna. Horrelakoa izan da 2021 urtea Kontseiluaren arabera: eskubide urraketak, bidegabekeriak, atzerapausoak, baina, aldi berean, "herri grina", mobilizazio indartsuak eta egitasmo berriak.

Kanal hauetan artxibatua: Euskara lan munduan  |  Euskara  |  Laudio  |  Justizia

Euskara lan munduan kanaletik interesatuko zaizu...
2022-09-26 | Leire Artola Arin
Kontseiluak, ELAk eta LABek neurriak proposatu dituzte EAEko administrazio publikoa hamabost urtean euskalduntzeko

Ekarpen zehatzak egin dizkiote Eusko Jaurlaritza jorratzen ari den dekretuari. Bederatzi oinarri ezarri dituzte administrazio publikoa euskalduntzeko, “epe zehatz eta egingarrietan”. Herritarren hizkuntz eskubideak bermatzea dute helburu, erabiltzaile zein... [+]


Udaltzainek B2 euskara eskakizunik ez dutela behar dio Gasteizko epaitegi batek

Udaltzain izateko lan poltsan, euskarazko B2 profila eskatzen du EAEko Polizia Akademiak eta auzitara eraman du gaia UGT sindikatuak. Gasteizko epaitegiak arrazoia eman dio sindikatuari, polizia izan nahi eta euskaraz ez dakitenenganako diskriminazioa argudio.


2022-09-06 | ARGIA
Nafarroako lanpostu publikoetan euskarak baino balio handiagoa du alemanak

Nafarroako administrazio publikoan langile kopuru handi bat egonkortzeko asmoa dagoela eta horretarako deialdietan eremu ez-euskaldun deiturikoetan oraindik ere euskara jakiteari ez zaiola baliorik ematen salatu du Administrazioan Euskaraz Taldeak.


2022-07-19 | ARGIA
Zizur Nagusiko Udalak lanpostu publikoetan euskara puntuatu behar duela ebatzi du auzitegiak

Zizur Nagusiko Udalak euskara aintzat hartzen ez zuen lan deialdia atera zuen; herritar batek kexua jarri eta aurretik izandako hainbat ebazpenen kontrara, oraingoan bai, Nafarroako Administrazio Auzitegiak ebatzi du udalak ordenantza bete behar duela eta beraz euskara puntuatu... [+]


Langile publikoen oposizioetan euskara eskakizuna kentzea ez du onartu epaileak

EAEn langile publiko izateko euskara profila eskatzea diskriminatzailea dela argudiatuz, berriro ere auzitara iritsi da oposizioetara aurkeztu den herritar baten salaketa. Oraingoan, baina, garbi utzi du Donostiako epaitegiak: langile publikoek euskara jakin behar dute,... [+]



Irakurrienak
Argia buletina
Egunaren laburpena
zure e-postan
Eguneraketa berriak daude