ARGIA.eus

2022ko azaroaren 29a

ARGIA aldizkariari eskutitza, Elkanoren harira

2018ko abenduaren 14a - 11:33

Kazetaritza independente baten jardunak ematen dituen fruituetako bat da erreportaje hau. Txikitik eragin daitekeenaren adibide garbia, testuan dioen bezala atzoko krimenak gaurko loria bezala saldu nahi dizkigutelako. Historiaren kronika berregituratu egiten du eta boteretsuen narratibaren gainetik (eta azpitik) sustraietara eramaten du irakurlea. Garenaren sentimendura. Sustraia baita sentimendua eta sentimendua sustraia. Hitzak sentimendua besarkatzen du eta gure historiaren ulermenera eramaten gaitu. Hitzik gabeko hitzarekin komunikatu gaitezke. Hitzekin baino sentimenduekin gehiago ikasten delako.

Kazetariak aipatzen duen bezala, penagarria da espainiar armadaren langile leial baten presentzia euskal arrantzaleen historiaren barruan txertatzea. Garaiko euskal abenturazale, arrantzale eta bizirauteko erronkei itsasoan aurre egiten zieten euskaldunen kemena, adorea eta gogoa garai hartako aberastasunen, estatuen eta inperioen alde lan egin zutenekin nahastuz.

Gure herriaren historia behin eta berriz zapaltzen ari dira eta horrelako testuek ispilu egiten dio ezarritako diskurtso politiko konkretu bati. Historia berridazteko saiakera hauek benetan eskertzekoak dira. Historiaren funtzioa, Axierrek aipatzen duen bezala, oraina eraikitzea baita, etorkizun solidario, inklusibo eta justu bat eraikitzeko. Eskema mental berriak eraikitzeko ere balio behar du.

Hitzek sentimenduak besarkatzen dituzte eta hitz hauek gure esker onaren sentimendua besarkatzen dute.

Besarkada hori iritsiko zaizuelakoan…

Kanal hauetan artxibatua: Elkanoren mundu bira  |  Iritzia  |  Argia Jendea

Elkanoren mundu bira kanaletik interesatuko zaizu...
'Sin Límites' edo nola errepikatu lehen mundu birari buruzko narratiba konbentzionalak

Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]


2022-09-06 | ARGIA
"Euskal Herri dekolonialaren alde egin nahi dugu lan"

Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio... [+]


2022-09-05 | Axier Lopez
Getariako eta Filipinetako lehorreratzeak, nork zer omentzeko?

Asteartean Elkanoren Lehorreratzea herri antzerki berezia egingo dute Getarian. Eusko Jaurlaritzak ezarritako jai egunarekin bat eta Elkano Cadizko Sanlúcar de Barramedara heldu zela 500 urte bete direla eta. Halere, ez da mundu bira horrek eragindako lehorreratze... [+]



Irakurrienak
Argia buletina
Egunaren laburpena
zure e-postan
Eguneraketa berriak daude