Araban egitekoak ziren parke eoliko bi atzera bota ditu Jaurlaritzak
Araban lau parke eoliko eraikitzea aurreikusten zen, baina horietako bi handienei ez die baimenik eman Eusko Jaurlaritzak. Arkamoko eta Iturrietako proiektuak bertan behera geratu dira.
Iazko abenduan Araban lau parke eoliko eraikitzeko asmoa agertu zuen Eusko Jaurlaritzak, denak ere ingurumen gune babestuan kokatutako proiektuak: Arkamokoa, Iturrietakoa, Labrazakoa eta Azazetakoa. Lehenengo biak atzera bota ditu berriki ordea, ingurumen baldintzak aztertu ostean Ingurumen Sailak baimena ukatu baitie proiektuei, ingurumenari kalteak eragin diezazkiotela arguditatuz. Bertan behera gertu diren parke eolikoak ziren proposatutako proiektu handienak; Arkamokoak 95 MWeko ahalmena zuen eta Iturrietakoak 75 MWekoa.
Labraza eta Azazetako proiektuen bestelako bidea hartu dute, Iberdrolak eta Energiaren Euskal Erakundeak kudeatzen duten Aixeindar sozietateari tramiteekin aurrera egiteko baimena eman baitzaio. Bi proiektuok 40 MWeko ahalmena dute.
Klimaren Europako Legean ezarritako helburuei jarraikiz, 2030erako EAEn kontsumitzen den argindarraren %32 bertan ekoitzi nahi du Jaurlaritzak, egun kontsumitzen denaren %8 bakarrik ekoizten baita. Ohar bidez jakinarazi duenez, udaberrian eman zen amaitutzat Berriztagarrien Lurralde Plan Sektorialaren parte hartze sozialaren hasierako fasea, energia berriztagarrien instalazioak antolatzen hastea xedetzat zuena. Orain beste fase bati hasiera eman nahi diola adierazi du, eragileen eta erakundeen ekarpenekin lurralde plan sektoriala osatzeko. Bigarren fase horrek definituko lituzke energia berriztagarrien instalazioentzako kokalekuak.
Parke eoliko proiektuoi jarritako alegazioak ez dira gutxi. Arabako Mendiak Aske plataformak, EH Bilduk, Podemosek eta Equok 20.000 alegaziotik gora aurkeztu dituzte horien aurka.
Jaurlaritzaren erabakiari dagokionez, Kike Fernandez de Pinedo EH Bilduko Arabako Batzar Nagusiko eledunak adierazi du "aktibazioak eta erantzun sozialak fruituak eman" dituztela, baina "orain trantsizio energetiko egoki eta orekatu bat adosteko lanean jarraitu behar" dela. Plan sektorialaren beharra azpimarratu du.
Equo Berdeak alderdiak, bestalde, Labraza eta Azazetako proiektuak ere bertan behera uztea eskatu du, kokalekuei desegoki iritzirik: "Energia berriztagarriak hedatzeko beste espazio alternatibo batzuk daude, kokapen horiek aukeratzea ulertezina eta onartezina da. Eremu horietan landa, natura, historia, kultura eta paisaia ondareak duen eragina hain da handia".
Herri plataformak adierazi du 'Mendi' zentral eolikoak Orozkon (Bizkaia) ere lurrak hartzen dituela eta plan bereziko onarpenerako aurretiko izapidea abiatzea agindu duela Arabako Foru Aldundiak.
Bizkaian, Artzentales eta Sopuerta artean Euskal Haizie enpresak eraiki asmo zuen zortzi aerosorgailuko zentral eolikoaren proiektua atzera bota du Eusko Jaurlaritzako Industria Sailak, faunan, landaredian eta ondarean eragingo lituzkeen kalteengatik. Enkarterriko herritarrak... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]