Mobilizazioak iragarri dituzte Tubacex, PCB, Petronor eta Bizkaiko metalaren gatazketan auzipetutako beharginek
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.
Tubacexeko langileek bat egin dute PCB, Petronor eta Bizkaiko metalgintzaren hitzarmenaren aldeko greban auzipetutako langileekin Eusko Jaurlaritzaren Bilboko egoitzaren aurrean egin duten agerraldian. CCOO, LAB, ESK, CNT eta CGT sindikatuetako kideek ere bat egin dute bertan.
"Bizkaiko metala, PCB, Tubacex eta Petronorreko borroken ondorioz, asko izan dira jipoitutako, inputatutako eta isun ekonomikoekin zigortutako langileak. Pertsona horietako batzuk epaiketaren zain daude, eta espetxe-zigor oso altuak dituzte", azaldu dute auzipetutako beharginek. Salatu dute "langile klasearen borroka, sindikalismoa, grebarako eskubidea eta lan eta bizi baldintza duinen aldeko borroka kriminalizatzea" dela akusazio horien atzean dagoena.
"Gatazka guztietan, Eusko Jaurlaritzaren lehen ekarpena izan da Ertzaintza bidaltzea protestak erreprimitzera, jipoitzera, akusazio faltsupean atxilotzera eta Mozal Legea langile askori aplikatzera"
Hartara, kriminalizazio saiakera horren atzean erabaki politikoa dagoela nabarmendu dute agerraldian: "Gatazka guztietan, Eusko Jaurlaritzaren lehen ekarpena izan da Ertzaintza bidaltzea protestak erreprimitzera, jipoitzera, akusazio faltsupean atxilotzera eta Mozal Legea langile askori aplikatzera".
Eusko Jaurlaritzaren protagonismoa oso bestelakoa izan beharko lukeela adierazi dute behargin auzipetuek. Hain zuzen ere, negoziazio mahaietan bi aldeen arteko "benetako oreka" mantendu beharko luke, langileen arabera: "Denbora honetan guztian, Eusko Jaurlaritzak ez du bilatu Bizkaiko metaleko, PCBko, Tubacexeko eta Petronorreko langileak babestea enpresa horiek EEEak edo ABEEak mahai gainean jarri dituztenean, ezta ere EEE eta ABEE horien aurkako epai judizialak egon direnean ere".
"Borroka da bidea"
Langile borroka jarri dute langileen lan eta bizi baldintzak defendatzeko eta inposaketari eta prekarietateari aurre egiteko mekanismo bakar bezala: "Patronalak legeak ditu, eta gobernuak ere bai. Langileok borroka baino ez dugu, tresna zilegi gisa, langile klasearentzako eskubideak defendatzeko eta konkistatzeko eta lege horien aldaketan eragin ahal izateko".
Zentzu horretan, borroka sindikala ez dela inoiz delitu izango azpimarratu dute, eta horri esker negoziazioetan indarrak orekatzea lortu dela nabarmendu dute, "langile guztientzat baldintza eta eskubide hobeak lortzeko".
Dinamika abian
Eskaera zuzena luzatu diete Eusko Jaurlaritzako Enplegu Sailari eta Segurtasun Sailari: langileen borroka kriminalizatzeari uztea, Euskal Herriko langileen arteko borrokei buruz duten jarrera berrezartzea eta Bizkaiko metaleko greban, Tubacexen, PCBn, Petronorren eta beste edozein lan-gatazkatan jarritako isunak eta salaketak indarrik gabe uztea.
Dinamika abian jarriko dutela iragarri dute, gaur irakurritako manifestuaren aldeko atxikimenduak biltzeko.
Mobilizazioak ere jarri dituzte mahai gainean; urtarrilaren 25ean lehenengoa. Egun horretan Bizkaiko metalgintzako hiru langile epaituak izango dira, Bilboko Auzitegi Probintzialean. Epaitegiaren aurrean deitu dute elkarretaratzea, 12:30ean.
Tubacexen kasua
Hainbat izan dira Bilboko agerraldira bertaratu diren Tubacexeko langileak. Aintzane Mendia arduratu da Aiaraldeko grebalarien izenean manifestua irakurtzeaz eta Tubacexeko beste langile auziperatu bat izan du alboan. 236 egunez luzatu zen greba mugagabean auzipetutako beharginetako bat da Mendia. Ekainaren 17an Amurrioko epaitegien aurrean egindako elkarretaratzean atxilotu eta lesionatu zuen Ertzaintzak. Autoritatearen aurkako atentatua leporatzen diote eta epaiketaren zain dago.
Aintzane Mendia ez da Tubacexeko greban auzipetutako langile bakarra.Greba mugagabeak iraun bitartean, gutxienez, lau langile atxilotu ditu poliziak, eta 15 lagunetik gora identifikatu dituzte poliziaren jardunaren irudiak grabatzeagatik. Gainera, greban parte hartu zuen jende askok zigor ekonomikoak jaso ditu azken hilabetetan. Lan gatazkan sortutako erresistentzia kutxa ari dira baliatzen isunei aurre egiteko.
Flotillari Israelek eraso eginez gero, greba orokorra antolatzeko prest daudela adierazi du Italiako sindikatu handiena den CGIL-eko buruak, Il Messaggero egunkariak jaso duenez.
Armadoreak salatu zuen hamasei arrantzaletik hamabi matxinatu egin zirela, eta Guardia Zibilak artatu eta gero, Asturiasen egon da amarratuta. Asteazken goizaldean heldu da Getariako portura.
Enplegua Erregulatzeko Espedientearen kontsulta epe barruan zuten adostuta batzarra Langile Batzordearekin, baina enpresariak ez dira agertu.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
