Araba: Berdinketen lurraldean EAJk irabazi du
Arabako boto batek Bizkaiko ia lauren balioa du, eta Gipuzkoakoek halako bi. Gainordezkaritza horrekin lotutako mitoak dio EAEko boto denek pisu bera balute aise abertzaleagoa zatekeela Gasteizko legebiltzarra. Horraino mitoa. Egia dena da, irailaren 25eko emaitzak barruti bakarrean zenbatuko balira parlamentari bakarra aldatuko zatekeela. PPk bat gutxiago luke, EAJk bat gehiago. Hor hasi eta bukatzen da Arabaren gainordezkaritzaren efektu praktikoa.
Gutxi aipatu da, baina Arabatik lerroburu nagusi bat dator. Gasteizko legebiltzarrak muturreko unionismoaren ordezkaria galdu du. Azken bi legegintzaldietan UPyD eta Gorka Maneirok suposatu duten bitxikeria desagertu egin da, Ciudadanosek ez duelako –600 botogatik– erreleboa hartu. Albert Riverak ez du berriz Gasteiz zapalduko.
Iñigo Urkullu buru duen zerrendak botoen %28 jaso du Araban, 2012an baino 2.000 boto gehiago eskuratuta eta zortzi parlamentari. Hor gainontzekoetatik nabarmendu egin da EAJ, ohiko berdinketa arabarrean. Oreka baita Arabaren ezaugarria. Hori demostratzeko bi datu: EAJk azken indarra izan diren sozialisten botoen bikoitza lortu du. Gainontzeko lurraldeetan irabazleak barrenekoari lauzpabost biderreko aldea atera dio. 7.000 botoren gorabeheran pilatu dira PP, EH Bildu, Elkarrekin Ahal Dugu eta PSE, hurrenez hurren.
EAJk lurraldearen mapa berdetu du. Arabako Errioxako hainbat udalerritan aurre hartu dio PPri. Beste hainbeste egin dio EH Bilduri lautadan. PSEren babeslekuak ere desagertu ditu. Arabak abertzaletasun moderatura egin du hauteskunde hauetan.
Hauteskunde hauetan berriak izanagatik, ezin dira pozik agertu Elkarrekin Ahal Dugun. Araban garaile izan ziren Espainiako azken bi bozetan, eta botoen erdiak galduta, orain laugarren indarra izatera pasa dira. Ilusioaren eta boto baliagarriaren galerak kondenatu du Pablo Iglesiasen alderdia.
Alderdi moretik EH Bildura itzuli dira milaka batzuk, baina ez denak. Bost legebiltzarkide lortzeko adina. Emaitzak ontzat jo baditzakete ere, koalizioak ordezkari bat galdu du lurraldean, eta 2012ko botoen ia laurdena. Espainiako bozekin konparatuta berreskurapena azpimarratzekoa da, 15.841 bototik 26.803 izatera.
PPk beherakada txikia izan du 2012tik, eta eutsi dio ordezkaritzari. Araban lortu ditu bost, EAEn guztira dituen bederatzien artean. Gasteiz eta Araba dute EAEko gotorleku, ikusi besterik ez dago nola kanpainaren zati handia lurraldeari eskaintzen dion. Baina ez da, aurreiritzien aurka, inondik inora Araban nagusi. 2011ko Madrilekoetatik ez du irabazi.
Gipuzkoan eta Bizkaian bezala, okerren atera dena PSE, ordezkarien erdiak eta botoen herena galduta. Arabako mapan nabarmentzen ziren bi udalerri gorri, Eltziego eta Iruña Oka, berde ilun bihurtu dira. Noraezak jota, jeltzaleen altzoan biziraun ala suspertzeko neurriak hartzea dagokie.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Komisaldegian paper batzuk eman dizkidate. Izerdi tanta bakarra dakit bekokian behera bularreraino, piztu aire girotua, mesedez. Parrandan ondoegi pasatzearen asuntoak, hurrengo goizean galdutakoak salatu beharra. Inozo aurpegidun munipa batek hurrengo asterako zita eman ahal... [+]
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]