Apustu etxeen kontrako kartelak jarri dituzten hiru andoaindar, epaitegira deituak

  • Andoaingo bigarren apustu etxea da pasa den apirilean Zumea plazan zabaldu zutena. Gisa horretako aretoen aurkako jarrera azaltzeko, hainbat herritarrek kartelak jarri zituzten. Orain, epaitegira joateko zitazioa jaso dute hiru lagunek, aretoaren jabeak salaketa jarri ostean.


2019ko maiatzaren 30an - 09:55
Asanblada irekian parte hartu zuten andoaindarrak, apustu etxeen kontrako afixekin / @JulenBegi

Epailearen aurrera deklaratzera deitu duten hiru lagunetako batek, egoera zertan den azaldu zuen astearte arratsaldean egindako asanblada irekian. Aiurri aldizkariak jaso ditu hitzok: "Gaiarekin kezka genuen. Gazteen artean ludopatia, familia hausturak... arazo handiak sortzen ari dira apustu etxeak. Andoainen kanpaina txikia egitea pentsatu genuen, kartel batzuk jarriz. Helburua gaiaz sentsibilizatzea zen. Gure sorpresarako zitazioa jaso genuen, epaitegira joateko, eta zitzazio horretan hiru lagun identifikatuta gaude".

Gaineratu duenez, hiru lagunak ez dituzte ez Ertzaintzak ez inongo poliziak identifikatu: "Apustu etxeen kamarak erabili dituzte, eta ezbaian dago kamera horien erabilera. Saiatu gara apustu etxeko jabearekin gaia bideratzen, baina berak ez du nahi izan. Zalaparta aukeratu du, eta guk zalapartarekin erantzungo diogu. Kartel batzuk jartzea ez da delitua. Gure duintasuna defendatzera joango gara. Karteletan ez zegoen ez mehatxurik ezta irainik ere".

Ludopatiaren inguruko hitzaldia

Ekainaren 10ean ludopatia eta adikzioen inguruko hitzaldia eskainiko du Ekintza Bibe elkarteak Andoaingo Urigain etxean, 18:30ean hasita.


Kanal honetatik interesatuko zaizu: Apustu etxeen gorakada
2023-02-08 | Jon Torner Zabala
Osasuna futbol taldeak akordioa egin du beste apustu etxe batekin

Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.


2022-09-05 | ARGIA
Joko patologikoari aurre egiteko gida plazaratu du Jaurlaritzak

Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.


2022-02-16 | Leire Artola Arin
Joko areto kopurua murriztuko dute eta horietara sarbidea kontrolatuta egon beharko da aurrerantzean

Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.


2021-10-28 | ARGIA
Jaurlaritzak jokoaren erregulazioa "gogortuko" du, "joko patologikoari aurrea hartzeko"

Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]


Apusturako deia, langileen auzoetatik

Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.


Eguneraketa berriak daude