"Ez dugu onartzen absoluzioa ez den beste epairik"

Artikulu hau CC BY-SA 3.0 lizentziari esker ekarri dugu.

2021eko urtarrilaren 25an - 15:31
Argazkia: Aiaraldea.eus

Juan Urrutiatik abiatu da mobilizazioa 18:00etan. Ehunka lagunek egin dute bat deialdiarekin. Udaletxearen aurrean eman diote amaiera manifestazioari. 

ANkerkeriari Stop plataformako kideek ekitaldian nabarmendu dutenez, "argi geratu da eraso planifikatua izan dela, horrela demostratu da epaiketaren bi egunetan Auzitegi Nazionalean, salbuespenezko eta inolako bermerik gabeko epaiketa politiko batean". Juan Urrutia plazan bildutako jendetzari eskerrak emanez hasi dute hitzartzea: "Zorionak plataformatik zabaldutako deialdi eta ekimen guztietan elkartasun eta babes osoa adierazi duzuenei, hau baita herriak duen baliorik handiena".

Galder Barbado eta Aitor Zelaia sententziaren zain geratu dira. Datozen egunetan ere adi egoteko eskatu diete bertaratutako herritarrei:  "Adi egon sareetara, hau ez baita hemen amaitzen. Ez dugu onartuko absoluzioa ez den beste epairik". 

Fiskalak mantendu egin du Galder Barbado eta Aitor Zelaia gazteen aurkako eskaera: 8 urteko espetxe zigorra eta urteko zaintzapeko askatasuna. Defentsak, berriz, absoluzioa eskatu du bi gazteentzat. 


Kanal honetatik interesatuko zaizu: Epaiketak
Gorka Roca Torreri babes agiria

Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]


Puigdemont terrorismoagatik ikertzeko agindu du Auzitegi Gorenak: auziaren klabeak

Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]


Gorka Torre epaituko dute Izpurun eta Donibane Garazin euskararen aldeko ekintza batzuengatik

HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.


2024-02-06 | Gedar
14.000 euroko zigor eskaera gazte batentzat, Palestinarekin elkartasunez Donostian egindako protesta bat dela-eta

Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]


Eguneraketa berriak daude