Andaluziako Puerto III espetxean hilabete bakarrean hiru preso hil direla salatu dute

  • APDHA Andaluziako Giza Eskubideen Aldeko Elkarteak ikerketa bat eskatu du Cadizko espetxeetan gertatzen ari diren heriotz ugariak direla eta. Lurralde hartan martxoan bakarrik lau pertsona hil dira espetxeetan, horietatik hiru Puerto de Santa Mariako Puerto III espetxe tristeki ezagunean, zeinetan galdu baitzuen bizia Xabier Rey preso iruindarrak.


2018ko apirilaren 05an - 09:58

Uneotan 12 euskal preso –baldin eta ARGIAren kontabilitatea zuzena bada– dauden Puerto III espetxean gertatzen ari dena ikertu behar dela salatu du APDHAk. Lehendik Europako Kontseiluaren Torturaren Aurkako Batzordeak ere ikerlan batean nabarmendua zuen espetxeko funtzionarioek tratu txarrak ematen dizkietela bertako presoei, tartean xehetasun hau ere gehituz: psikiatra kliniko bakarra dagoela Puerto de Santa Mariako hiru espetxeak bisitatzeko eta psikologo kliniko bakar bat ere ez.

Orain APDHA giza eskubideen aldeko erakundeak jakinarazi du Xabier Rey euskal presoa hil ondotik beste bi gehiago hil direla bertan, biak ere Aste Santuan: bata droga gaindosiz eta bigarrena bere buruaz beste eginda, ofizialki Xabier Rey bezala. Laugarren bat Jerez de la Fronterako Bergizarteratze Zentroan hil omen da.

Azken urteotan Espainiako presondegietan eta zehazkiago Andaluziakoetan gertatu diren heriotzen datuak eman ostean, APDHAk asteazkenean, apirilak 4, zabaldutako agirian– oroitarazi du Torturaren Aurkako Batzorde horrek gomendatua diela "Espainako agintariei har ditzaten behar diren neurriak Puerto III eta Sevilla IIko presondegitean erregimen itxiko moduluetan eta departamendu berezietan daudzkaten preso zaurgarriei bermatzeko arreta eta artatze egokiak, eta buruko arazoak dauzkaten presoak eraman ditzatela osasun zentro egokietara, tratamendu eta arreta egokiekin heriotza horiek ekidin daitezkeelako".


Kanal honetatik interesatuko zaizu: Euskal preso politikoak
'Bi arnas' proiektuaren ziklo amaiera ospatu dute
"Torturak ama eta alabarengan sorturiko zauria arintzen lagundu du dokumentalak"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Eguneraketa berriak daude