Altsasuko gazteen kontrako zigorrak berretsi ditu Auzitegi Nazionalak
Espainiako Auzitegi Nazionaleko Apelazio-Salak berretsi egin ditu Altsasuko gazteen kontrako 2 eta 13 urte arteko espetxe zigorrak, salbu eta Iñaki Abadena (hiru urte murriztu dizkiote), SER irratiak aurreratu duenez. Gazteen abokatuek oraindik ez dute epaiaren notifikaziorik jaso.
Jokin Unamuno, Adur Ramírez de Alda, Jon Ander Cob, Julen Goikoetxea, Ainara Urkijo, Aratz Urrizola eta Oihan Arnanz gazteen kontrako zigorrak berretsi ditu Auzitegi Nazionalak.
Epaiak berretsi du terrorismo deliturik ez dagoela. Zigorrari, ordea, "larrigarria" erantsi diote, "diskriminazio ideologikoagatik"; epaiak, beraz, ekintza-bide hau kontsolidatuko du antzeko gertaeren kasuan, esaterako, Katalunian "hainbat legelari eta politikari sufritzen ari diren erasoen" kasuan, "iturri juridikoak" aipatuta SER irratiak jakinarzi duenez.
Según avanza la Cadena Ser, la Audiencia Nacional mantiene las condenas de hasta 13 años a nuestros hijos e hija, a excepción de Iñaki Abad, al que reducen la condena 3 años. Nuestras defensas están trabajando para confirmarlo, pero todavía no hemos recibido información alguna. https://t.co/GWRWnJZqld
— Altsasu gurasoak (@Altsasugurasoak) 2019(e)ko martxoaren 7(a)
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
